સ્પષ્ટતા / હવે થાકી ગયો છું, અઢી વર્ષથી કહું છું કે... વિરાટ કોહલીએ સૌથી મોટા ચર્ચિત મુદ્દે કર્યો ખુલાસો

• સાઉથ આફ્રિકા રવાના થતાં પહેલાં વિરાટ કોહલીએ પત્રકાર પરિષદ યોજી
• રોહિત શર્મા સાથે મતભેદ હોવાની વાત પર વિરાટે મૌન તોડ્યુ
• મારા અને રોહિત શર્મા વચ્ચે કોઈ મુશ્કેલી નથી, સ્પષ્ટતા આપીને થાકી ગયો

હું સ્પષ્ટતા આપીને થાકી ગયો છું: વિરાટ કોહલી 

વનડે અને ટી-20 ટીમના વાઈસ કેપ્ટન રોહિત શર્માની સાથે વિરાટ કોહલીના જે વિવાદના અહેવાલ ચાલી રહ્યાં હતા. તેના પર વિરાટ કોહલીએ કહ્યું કે, હું સ્પષ્ટતા આપીને થાકી ગયો છુ.  પત્રકાર પરિષદમાં વિરાટ કોહલીએ કહ્યું કે મારા અને રોહિત શર્માની વચ્ચે કોઈ મુશ્કેલી નથી. હું છેલ્લાં બે અઢી વર્ષથી કહી રહ્યો છું કે અમારી વચ્ચે કોઈ મતભેદ નથી. વિરાટ કોહલીએ કહ્યું કે હવે હું સ્પષ્ટતા આપીને થાકી ગયો છુ. કોહલીએ વધુમાં કહ્યું કે હું જ્યાં સુધી ક્રિકેટ રમુ છુ ત્યાં સુધી મારી કોઈ પણ એક્શન અથવા કોમ્યુનિકેશન ટીમને નીચે બતાવવા માટે નહીં હોય. 

વિરાટે રોહિત સાથેના મતભેદના અહેવાલોને ફગાવ્યાં

મહત્વનું છે કે, સાઉથ આફ્રિકા પ્રવાસ પહેલાં એવા અહેવાલો આવી રહ્યાં હતા કે વિરાટ કોહલી વન-ડે શ્રેણીનો ભાગ નહીં બને. પરંતુ વિરાટે આ દરેક અહેવાલોને ફગાવી દીધા છે. રોહિત શર્મા અને વિરાટ કોહલી વચ્ચે મતભેદ હોવાની ચર્ચા અત્યારથી નહીં, પરંતુ લાંબા સમયથી ચાલી રહી છે. વર્ષ 2019 બાદ ડ્રેસિંગ રૂમમાંથી અલગ-અલગ પ્રકારની વાતો સામે આવતી હતી.