ICC ટોપ રેન્કિંગની જાહેરાત કરી છે. જેમાં ભારતીય ખેલાડીઓએ ડંકો વગાડ્યો છે. જેમાં બેટ્સમેન કેટેગરીમાં ટીમ ઇન્ડિયાનો કેપ્ટન વિરાટ કોહલી લિસ્ટમાં પ્રથમ ક્રમે અને બોલર્સમાં જશપ્રિત બુમરાહ પ્રથમ ક્રમે રહ્યા છે.
કોહલી 890 પોઈન્ટ સાથે પ્રથમ ક્રમે અને 390 પોઈન્ટ સાથે રોહિત શર્મા બીજા સ્થાને છે. બોલર્સની યાદીમાં કુલદીપ યાદવ 7માં સ્થાને અને યજુવેન્દ્ર ચહલ 8માં ક્રમે એમ કુલ 3 ટીમ ઇન્ડિયાના ખિલાડીઓ ટોપ-10માં રહ્યાં છે.
ટીમ ઇન્ડિયા વન ડે રેન્કિંગમાં 120 પોઇન્ટ સાથે બીજા ક્રમે છે. ઇંગ્લેન્ડની ટીમ 123 પોઇન્ટની સાથે સૌથી આગળ છે. ઓસ્ટ્રેલિયા સામે 5-0થી સીરિઝ ગુમાવનારી પાકિસ્તાનની ટીમ 97 પોઇન્ટ સાથે લિસ્ટમાં છઠ્ઠા ક્રમે છે.
છેલ્લા કેટલાક સમયથી ફોર્મની સમસ્યાનો સામનો કરી રહેલો ભારતીય બેટસમેન શિખર ધવન આ વખતે ટોપ-10માંથી બહાર ફેંકાયો છે. ત્રણ ક્રમનાં નુકશાન સાથે લિસ્ટમાં 13માં સ્થાને પહોચ્યો છે. તો વિકેટકિપર અને બેટસમેન મહેન્દ્રસિંહ ધોની પણ 4 ક્રમનાં નુકસાન સાથે 21માં સ્થાને પહોંચ્યો છે.
ટોપ ઓલરાઉન્ડરની યાદીમાં કોઈ ટીમ ઇન્ડિયાનો ખિલાડી સામેલ થઈ શક્યો નથી. આ લિસ્ટમાં અફઘાનિસ્તાનનો રાશિદખાન પ્રથમ ક્રમે છે. તો બાંગ્લાદેશનો શાકિબ અલ હસન બીજા ક્રમે છે. અફઘાનનો ખેલાડી મોહમ્મદ નબીએ તેનું ત્રીજુ સ્થાન જાળવી રાખ્યું છે.