ક્રિકેટ / ICC ટેસ્ટ રેકિંગમાં કોહલી પહેલા સ્થાન પર યથાવત, બોલર્સમાં જાડેજા ટૉપ ભારતીય

ભારતીય કેપ્ટન વિરાટ કોહલીએ સોમવારે જારી કરેલી આઇસીસીની તાજા ટેસ્ટ બેટ્સમેન રેંકિંગમાં પોતાનો નંબર એક યથાવત રાખ્યો છે. ભારતીય ટીમે પોતાની છેલ્લી ટેસ્ટ મેચ જાન્યુઆરીમાં ઑસ્ટ્રેલિયાની વિરુદ્ધ રમી હતી. ટીમ ઇન્ડિયાએ આ સીરિઝમાં 2 1 થી જીત પ્રાપ્ત કરી હતી. કોહલીના કુલ 922 અંક છે. ન્યૂઝીલેન્ડના કેપ્ટન કેન વિલિયમસન 913 અંકોની સાથે બીજા નંબર પર છે અને ભારતના જ ચેતેશ્વર પુજારાના 881 અંક છે અને એ ત્રીજા સ્થાન પર છે. 

ભારત પહેલા નંબર પર ટીમ રેંકિંગની વાત કરતા ભારત પહેલા સ્થાન પર છે અને ત્યારબાદ બીજા સ્થાન પર ન્યૂઝીલેન્ડ અને સાઉથ આફ્રિકા ત્રીજા સ્થાન પર છે. ઇંગ્લેન્ડ અને ઑસ્ટ્રેલિયા ક્રમશ: ચોથા અને પાંચમાં સ્થાન પર છેય 

બોલિંગના ટૉપ 10 માં બે ભારતીય બોલરોની વાત કરીએ તો બે ભારતીય બોલરો ટોપ 10 માં સામેલ છે. રવિન્દ્ર જાડેજા છઠ્ઠા અને રવિચંદ્રન અશ્વિન 10માં સ્થાન પર છે. ઇંગ્લેન્ડનો ફાસ્ટ બોલર જેમ્સ એન્ડરસન બીજા સ્થાન પર છે. એન્ડરસન અને પહેલા સ્થાન પર પેટ કમિન્સની વચ્ચે 16 આંકડાનો ગેપ છે. 

ત્રીજા સ્થાન પર સાઉથ આફ્રિકાના યુવા ફાસ્ટ બોલર કાગિસો રબાડા છે. ઑલરાઉન્ડર્સની વાત કરીએ તો ભારતના જાડેજા ત્રીજા સ્થાન પર છે. વેસ્ટ ઇન્ડિઝના કેપ્ટન જેસન હોલ્ડર પહેલા અને બાંગ્લાદેશના શાકિબ અલ હસન બીજા સ્થાન પર છે.