ભારતીય ક્રિકેટ કેપ્ટન વિરાટ કોહલી દુનિયાના નંબર વન બેટ્સમેન છે તેમાં કોઈ શંકા નથી. પરંતુ ટી 20માં વિરાટ કોહલીનું જાદુ ઘટી રહ્યો હોય તેમ લાગી રહ્યું છે. આઈસીસી દ્વારા જાહેર કરવામાં આવેલી રેન્કિંગમાં કેપ્ટન કોહલીનો ધબડકો જોવા મળી રહ્યો છે. ટી 20 રેન્કિંગમાં વિરાટ કોહલી દસમાં નંબરે પછડાઈ ગયા છે. ન્યૂઝીલેન્ડ સીરીઝ દરમિયાન તેઓ નવમા સ્થાને હતા પરંતુ ખરાબ પ્રદર્શનના કારણે તેઓ એક ક્રમ નીચે પહોંચી ગયા છે.
ટી 20 રેન્કિંગમાં એક ક્રમ નીચે પછડાયા કોહલી
ન્યૂઝીલેન્ડ સામે ખરાબ પ્રદર્શનના લીધે ઘટી ગઈ રેન્કિંગ
પહેલાં સ્થાને પાકિસ્તાનના બાબર આઝમ
વિરાટ કોહલીની જગ્યાએ ઇંગ્લેન્ડના કેપ્ટન ઓયન મોર્ગને લઇ લીધી છે. તેનું મુખ્ય કારણ સાઉથ આફ્રિકા ટી 20 સીરીઝમાં શાનદાર પ્રદર્શન કર્યું હતું. હાલ તો વિરાટ કોહલી પર ટોપ ટેનમાંથી બહાર થવાનો ખતરો મંડરાઈ રહ્યો છે. સાથે જ ભારતના કે એલ રાહુલે બીજો ક્રમ યથાવત રાખ્યો છે. પહેલા નંબર પર પાકિસ્તાનના બાબર આઝમ છે.
નોંધનીય છે કે હાલમાં માત્ર બે જ એવા ખેલાડી છે જે ત્રણેય ફોરમેટમાં ટોપ 10માં સામેલ છે, વિરાટ કોહલી અને બાબર આઝમ. ન્યૂઝીલેન્ડ સામે વિરાટ કોહલીએ કંઈ ખાસ પ્રદર્શન કર્યું નથી. ચાર ટી 20માં 105 રન બનાવ્યા જયારે એક પણ સેન્ચુરી કે હાફ સેન્ચુરી ફટકારી નહીં. વિરાટ કોહલીએ જો પોતાનું સ્થાન જાળવી રાખવું હોય તો સતત સારું પ્રદર્શન કરવું પડશે
આ રેન્કિંગમાં બાબર આઝમ પહેલા, લોકેશ રાહુલ બીજા અને એરોન ફિન્ચ ત્રીજા સ્થાને છે. બોલર્સમાં અફઘાનિસ્તાનના રાશીદ ખાન નંબર 1, જયારે મુજીબ ઉર રહેમાન બીજા સ્થાને છે. ટીમ રેન્કિંગમાં પણ પાકિસ્તાન ટોપમાં છે, ઓસ્ટ્રેલિયા બીજા, ત્રીજા સ્થાને ઇંગ્લેન્ડ જયરે ચોથા સ્થાને છે ભારત છે.