Ind vs NZ / કોહલીની કેપ્ટનશિપ પર આ દિગ્ગજ ક્રિકેટરે ઉઠાવ્યા સવાલ, કહ્યું-આ ભૂલને કારણે હારી ગયા મેચ

• ન્યૂઝીલેન્ડ સામેની પ્રથમ ટેસ્ટમાં 10 વિકેટથી ભારતની શરમજનક હાર
• ટીમના સુકાની વિરાટ કોહલીની થઈ રહી છે ટીકા
• દિગ્ગજ બેટ્સમેન વીવીએસ લક્ષ્મણે કોહલીની કેપ્ટનશિપ પર ઉઠાવ્યા સવાલો 

લક્ષ્મણે કહ્યું, 'વિરાટ કોહલી પ્રથમ દાવમાં નવા બોલનો યોગ્ય રીતે ઉપયોગ કરી શક્યા નહીં, જે એક મોટી ભૂલ હતી. પ્રથમ ઇનિંગ્સમાં તેને ઝડપી બોલર્સ પાસે લાંબા સ્પેલ કરાવવાના હતા, પરંતુ તેણે ચાર ઓવરમાં જ સ્પિન એટેક શરૂ કરી દીધો હતો.

પ્રથમ દાવમાં જ્યારે ન્યૂઝીલેન્ડનો સ્કોર સાત વિકેટે 225 હતો, ત્યારે એવું લાગ્યું કે કિવિઝ ટીમ ટૂંક સમયમાં જ ઓલ આઉટ થઈ જશે, પરંતુ એવું થયું નહીં અને કાઈલ જેમીસને કોલિન ડી ગ્રેન્ડહોમ સાથે આઠમી વિકેટ માટે 71 રનની ભાગીદારી કરી હતી.

મેચ બાદ ખુદ કેપ્ટન વિરાટ કોહલીએ પણ સ્વીકાર્યું કે ન્યૂઝીલેન્ડના છેલ્લા ત્રણ બેટ્સમેનોએ 120 રન બનાવ્યા અને અમને મેચમાંથી આઉટ કરી દીધા. પ્રથમ ઇનિંગ્સમાં રવિચંદ્રન અશ્વિને 99 રન આપીને ત્રણ વિકેટ ઝડપી હતી, પરંતુ તેના બોલમાં કાયલ જેમીસન અને ટ્રેન્ટ બોલ્ટ સહિતના બેટ્સમેનોએ તેજી કરી હતી. જેમીસનના 45 બોલમાં 44 રનની ઈનિંગમાં ચાર છગ્ગા સામેલ હતા.

Trent Boult bounces out the big fish!

Boult probed Kohli with the fuller stuff and then delivered the sharp bouncer. Kohli was rushed on the pull shot and only got an edge to the keeper.#NZvIND pic.twitter.com/OgF64tCNR3

— ICC (@ICC) February 23, 2020

ટ્રેન્ટ બોલ્ટે 24 બોલમાં 38 રન બનાવ્યા. પ્રથમ ઇનિંગ્સમાં ગ્રેન્ડહોમ, જેમીસન અને બોલ્ટે ન્યૂઝીલેન્ડની લીડને 100 કરતા ઓછા રન સુધી મર્યાદિત કરવાના ભારતના પ્રયત્નો પર પાણી ફેરવી દીધું. લક્ષ્મણે કહ્યું, ભારતીય ટીમમાં ત્રણ ઝડપી બોલર ઇશાંત, બુમરાહ અને શમી છે. જે ન્યૂઝીલેન્ડના લોઅર ઓર્ડર બેટ્સમેનોને ઝડપથી આઉટ કરી શકતા હતા, પરંતુ તમે તેમને તક આપીને ભૂલ કરી હતી. મેચ દરમિયાન ડિફેન્સિવ ફિલ્ડિંગથી ન્યૂઝીલેન્ડને રન બનાવવાની તક મળી હતી. 

આ કારમી હાર બાદ ટીમ ઇન્ડિયાના કેપ્ટન વિરાટ કોહલીએ કહ્યું કે, અમે આ મેચમાં ટકી શક્યા નહીં. જો અમે કિવિઝ ટીમ સામે 220-230 રનનો લક્ષ્યાંક રાખતા તો સારું થાત. કોહલીએ કહ્યું કે, ભારતીય ટીમ આગામી મેચમાં સારું પ્રદર્શન કરશે. તમને જણાવી દઈએ કે ભારતને બેસિન રિઝર્વ ગ્રાઉન્ડ પર રમાયેલી પ્રથમ ટેસ્ટ મેચના ચોથા દિવસે ન્યૂઝીલેન્ડે ભારતને 10 વિકેટે હરાવ્યું હતું. ન્યૂઝીલેન્ડે બે મેચની ટેસ્ટ સીરિઝમાં 1-0થી લીડ મેળવી હતી.