ટીમ ઇન્ડિયાના કેપ્ટન વિરાટ કોહલીના ઇંગ્લેન્ડ વિરુદ્ઘ ત્રીજી ક્રિકેટ ટેસ્ટમાં શાનદાર ફૉર્મને કારણે ICC ટેસ્ટ બેટિંગ રેટિંગમાં ફરી એક વખત ટોચનું સ્થાન મેળવ્યું છે. વિરાટ કોહલીએ નોટિંઘમમાં ત્રીજી ટેસ્ટમાં 97 અને 103 રનની ઇનિંગ રમી ટીમ ઇન્ડિયાએ આ ટેસ્ટ મેચ 203 રનથી જીતી લીધી.
બર્મિઘમની પહેલી ટેસ્ટમાં 149 અને 51 રનની ઇનિંગ રમીને વિરાટ કોહલીએ ટોચનું સ્થાન મેળવ્યું હતુ. પરંતુ લોર્ડ્સમાં બીજી ટેસ્ટમાં ટીમ ઇન્ડિયાની હાર દરમિયાન ખરાબ ફોર્મના કારણે બીજા સ્થાન પર આવી ગયો પરંતુ ત્રીજી ટેસ્ટમાં સારા ફોર્મના કારણે ફરી એક વખત ટોચનું સ્થાન મેળવી લીધું છે. ઑલ ટાઇમ રેટિંગની પ્વૉઇટની વાત કરવામાં આવે તો હવે માત્ર કુમાર સંગાકારા એશિયાઇ બેટ્સમેનમાં આગળ છે.