લાલૂ પ્રસાદ યાદવના નાના દિકરા તેજસ્વી યાદવ હાલના સમયમાં બિહારની રાજનીતિનું કેન્દ્ર બનેલા છે. 26 વર્ષની નાની ઉંમરમાં ઉપ-મુખ્યમંત્રી બનનાર તેજસ્વી હવે બિહાર ઇલેક્શનમાં સીએમ બની શકે છે.
તેજસ્વીની કેપ્ટનશીપ હેઠળ રમ્યો વિરાટ
દિલ્હીની ટીમમાં તેજસ્વી અને વિરાટ હતા સાથે
વિરાટ એક ક્લાસિક બેટ્સમેન
બિહાર વિધાનસભાની ચૂંટણીમાં પાર્ટી સારુ પ્રદર્શન કરી શકે છે. તે રાજનીતિ પહેલા ક્રિકેટ રમતા હતા. 9 નવેમ્બર 1989ના દિવસે પટનામાં જન્મેલા તેજસ્વી ફર્સ્ટ ક્લાસ, લિસ્ટ એ અને ટી20 મેચ રમી ચૂક્યા છે, આ ઇન્ટરવ્યૂમાં તેમણે કહ્યું કે વિરાટ પણ તેજસ્વીની કપ્તાનીમાં રમી ચૂક્યા છે.
વિરાટ કોહલી વિશે એક ઇન્ટરવ્યૂમાં જણાવતા તેમણે કહ્યું કે તે દિલ્હી અન્ડર-15 અને અન્ડર-17ના કેપ્ટન હતા. તેમણે ટીમને 35 વર્ષ બાદ ચેમ્પિયન બનાવી હતી. વધુમાં તેમણે કહ્યું કે, પહેલા હું પાર્ટીના સદસ્યો સાથે પણ ક્રિકેટ રમી લેતો હતો હવે તો ક્રિકેટ રમવાનો સમય જ નથી મળતો.
તેજસ્વીએ કહ્યું કે, મને ફિનિશર બનવું પસંદ હતું, સ્ટ્રાઇક રેટ મારુ સારુ હતુ. વિરાટ એક ક્લાસિક બેટ્સમેન છે અને હું તેમની સાથે રમી ચૂક્યો છું. અમે સાથે ક્રિકેટ રમવાની શરૂઆત કરી હતી.
ક્રિકેટ છોડવા પર તેજસ્વીએ કહ્યું કે મારા બંને અંકલમાં સમસ્યા થઇ ગઇ હતી અને મારા પિતા સાથે અન્યાય થઇ રહ્યો હતો. માટે મારે તેમની સાથે ઉભા રહેવું પડ્યું હતું. આજે પણ હું ક્યારેક ક્રિકેટને ખુબ મિસ કરુ છું, ક્રિકેટ રમવાનો જ્યારે પણ મોકો મળે છે હું ટીવી પર મૅચ જોઇ લેતો હોઉ છું. તેજસ્વી IPLનો હિસ્સો રહી ચૂક્યા છે. તે 2008,2011 અને 2012ની સિઝનમાં દિલ્હી ડેરડેવિલ્સનો હિસ્સો રહી ચૂક્યા છે પરંતુ એક પણ મૅચમાં તેમને રમવાનો મોકો નથી મળ્યો.