આઇસીસીનું કહેવું છે કે કોહલીને આચાર સંહિતાના ઉલ્લંઘનના લેવલ 1 નો દોષિત માનવામાં આવ્યો છે. ભારતે શનિવારે અફઘાનિસ્તાનને 11 રનથી હરાવ્યું હતું.
આઇસીસી ક્રિકેટ વર્લ્ડકપ 2019માં ભારતે જોરદાર મેચમાં અફઘાનિસ્તાનને હરાવી દીધું હતું. પરંતુ ભારતીય કેપ્ટન વિરાટ કોહલીને સજાનો સામનો કરવો પડ્યો છે. એને કોડ ઑફ કન્ડક્ટના ઉલ્લંઘનનો દોષિત માનવામાં આવ્યો છે. એની સજા તરીકે કોહલીની મેચ ફી 25 ટકા કાપી લેવામાં આવી છે. આઇસીસીએ જણાવ્યું કે કોહલીએ મેચમાં બિનજરૂરી અપીલના નિયમને તોડ્યો છે. આઇસીસીએ રવિવારે આ સંબંધમાં નિવેદન આપ્યું છે.
આઇસીસીનું કહેવું છે કે કોહલીને આચારસંહિતાના ઉલ્લંઘનનો લેવલ 1 નો દોષિત માનવામાં આવ્યો છે. ભારતે શનિવારે અફઘાનિસ્તાનને 11 રનથી હરાવ્યું હતું.
આઇસીસીના નિયમ પ્રમાણે કોહલીએ અફઘાનનની ઇનિંન્ગની 29મી ઓવરમાં એમ્પાયર અલીમ ડારની પાસે જઇને આક્રમક અને ખોટી રીતે અપીલ કરી હતી. કોહલીએ પોતાની ભૂલ સ્વિકારી લીધી છે અને દંડનો પણ સ્વિકાર કરી લીધો છે. આ કારણે મામલાની આગળની સુનવણીની જરૂર પડી નથી. આ ઉપરાંત આઇસીસીએ આ ઘટનાને લઇને કોહલીના ખાતામાં એક ડીમેરિટ અંક જોડી નાંખ્યો.
સપ્ટેમ્બર 2016માં રિવાઇઝ્ડ કોડના લાગૂ થયા બાદથી કોહલીની આ બીજી ભૂલ છે. કોહલીના ખાતામાં હવે બે ડીમેરિટ અઅંક છે. એક અંક એને જાન્યુઆરી 2018માં દક્ષિણ આફ્રિકાની સાથે થયેલી ટેસ્ટ મેચ દરમિયાન મળ્યો હતો.