IPLIN
 

ક્રિકેટ / આઉટ થયાં બાદ બાંગ્લાદેશી પ્લેયર પર ભડક્યાં વિરાટ કોહલી, શાકિબે મામલો કર્યો શાંત, જુઓ Video

Team VTV 06:46 PM, 24 Dec 22 | Updated: 06:50 PM, 24 Dec 22
Follow us
virat kohli fight with bangladeshi player on 2nd test series

ટીમ ઇન્ડિયાનાં પૂર્વ કેપ્ટન વિરાટ કોહલી ફરી એકવાર બાંગ્લાદેશની સામે ફેઇલ સાબિત થયાં છે. બીજી ટેસ્ટની બીજી ઇનિંગમાં કોહલી 1 રનનાં સ્કોર પર આઉટ થયાં , વિકેટ પડ્યાં બાદ તેમનો બાંગ્લાદેશી પ્લેયર્સ સાથે વિવાદ પણ થયો હતો.

  • બીજી ટેસ્ટની બીજી મેચમાં ટીમ ઇન્ડિયાનું પર્ફોર્મન્સ નબળું
  • બાંગ્લાદેશનાં 145નાં લક્ષ્યને પણ પાર કરવું બનશે અઘરૂં
  • વિરાટ કોહલી 1 રનથી આઉટ થતાં કર્યો વિવાદ

બાંગ્લાદેશનાં મીરપુરમાં ભારત અને બાંગ્લાદેશની વચ્ચે ખેલાયેલ બીજી ટેસ્ટ મેચ હવે રોમાંચક થઇ ગઇ છે. બાંગ્લાદેશે ભારતને જીત માટે 145 રનોનો લક્ષ્યાંક આપ્યો છે પરંતુ ટીમ ઇન્ડિયા બીજી ઇનિંગમાં ખાસ પર્ફોર્મન્સ આપી શકી નથી. 50નાં સ્કોર પહેલાં જ ટીમની ચાર વિકેટ પડી ગઇ હતી. 

વિરાટ કોહલી 1 રન કરી થયાં આઉટ
ત્રીજો દિવસ પૂરો થયાં પહેલા જ્યારે વિરાટ કોહલીની વિકેટ પડી તો મેદાનમાં વિવાદ ઊભો થયો હતો. વિરાટ કોહલી આઉટ થયા બાદ બાંગ્લાદેશી પ્લેયર સાથે વિવાદમાં ઊતર્યાં હતાં. અને સ્થિતિ એવી સર્જાઇ કે શાકિબ અલ હસનને બચાવ માટે વચ્ચે આવવું પડ્યું. બીજાં ટેસ્ટની બીજી ઇનિંગમાં વિરાટ કોહલી માત્ર 1 રન બનાવીને આઉટ થઇ ગયાં. મેહદી હસન મિરાજની બોલ પર મોમિનુલ હસને વિરાટ કોહલીનો કેચ પકડ્યો હતો. વિરાટ કોહલી જ્યારે આઉટ થયાં ત્યારે બાંગ્લાદેશી પ્લેર્ય્સે હર્ષોલ્લાસની કિકિયારીઓ કરી હતી. 

વિરાટ ક્રિઝ પર જ રોકાઇ ગયાં
વિરાટ કોહલી ત્યાં ક્રિઝ પર જ રોકાઇ ગયાં અને બાંગ્લાદેશી પ્લેયર્સ પણ ભડકી ઊઠ્યાં. આ તમામ સ્થિતિની વચ્ચે કેપ્ટન શાકિબ અલ હસન વિરાટ કોહલીની પાસે આવ્યાં અને તેમની સાથે વાત કરી. જેના પછી વિરાટ કોહલીએ ખેલાડી વિશે વાત કરીને છેલ્લે મામલો શાંત થયો હતો.

ટીમ ઇન્ડિયાની હાલત ટાઇટ
મેચનાં ત્રીજા દિવસે ટીમ ઇન્ડિયાની હાલત ખરાબ થઇ છે. બાંગ્લાદેશે ભારતને 145 રનોનો લક્ષ્યાંક આપ્યો હતો અને જવાબમાં ટીમ ઇન્ડિયાનાં 45 રનોનાં સ્કોર પર 4 વિકેટ પડી ગયાં હતાં. ટીમ ઇન્ડિયાનાં તમામ મોટા બેટ્સમેન પોતાની વિકેટ ગુમાવી ચૂક્યાં છે.

બીજી ઇનિંગમાં ભારતની વિકેટ:
કે એલ રાહુલ (2રન): 3-1
ચેતેશ્વર પુજારા (6રન): 12-2
શુભમન ગિલ (7રન): 29-3
વિરાટ કોહલી (1રન): 37-4

Virat Kohli Bangladesh Test Series IND vs BAN ક્રિકેટ બાંગ્લાદેશ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ