બોલીવુડ એક્ટ્રેસ અને મૉડલ ઇજાબેલ લિટે મૂળ બ્રાઝિલની છે.અનુષ્કા શર્મા પહેલા વિરાટ કોહલીનું નામ તમન્ના ભાટિયા અને ઇજાબેલ લેટથી જોડાયેલું હતું. વિરાટ કોહલીને કથિત રીતે ઇજાબેલ લિટેની સાથે સિંગાપુરમાં શોપિંગ કરતા જોવા મળ્યો હતો.
બોલીવુડ એક્ટ્રેસ અને મૉડલ ઇજાબેલ લિટે મૂળ બ્રાઝિલની છે. ઇજાબેલે પોતાના કરિયરની શરૂઆત વર્ષ 2012માં રિલીઝ થયેલા આમિક ખાનની ફિલ્મ 'તલાશ'થી કરી હતી. ઇજાબેલને બોલીવુડમાં સફળતા તો ના મળી પરંતુ એક સમયે એ ભારતીય ક્રિકેટ ટીમના કેપ્ટન વિરાટ કોહલીને ડેટ કરી રહી હતી. 1 સપ્ટેમ્બર 1990માં જન્મેવી ઇજાબેલનો આજે જન્મદિવસ છે.
અનુષ્કા શર્મા પહેલા વિરાટ કોહલીનું નામ તમન્ના ભાટિયા અને ઇજાબેલ લેટથી જોડાયેલું હતું. બાહુબલી ફેમ તમન્ના ભાટિયાની સુંદરતાનો વિરાટ ફેન હતો. પહેલી વખત સેલેકૉનની એક જાહેરાતમાં સાથે નજરે આવ્યા અને આ પ્રોફેશનલ મિત્રતા પ્રેમમાં બદલાવવા લાગી, બંને 2012માં એક બીજાને ડેટ કરવા લાગ્યા હતા, પરંતુ જાણવા મળી રહ્યું છે કે આ બંને વચ્ચે ઇજાબેલ આવી ગઇ અને બંને અલગ થઇ ગયા.
જૂન વર્ષ 2012માં માહિતી મળી હતી કે વિરાટ કોહલી બ્રાઝીલની એક મૉડલને ડેટ કરી રહ્યો છે. વિરાટ કોહલીને કથિત રીતે ઇજાબેલ લિટેની સાથે સિંગાપુરમાં શોપિંગ કરતા જોવા મળ્યો હતો.
ઇજાબેલના મિત્રોએ જણાવ્યું હતું કે બંને એક એડના શૂટિંગ દરમિયાન સિંગાપુર મળ્યા હતા. વિરાટ પોતાની પ્રાઇવેસીને પ્રેફરન્સ આપતો હતો અને પોતાના ફેન ફોલોઇંગને ધ્યાનમાં રાખતા આ બંને પબ્લિક પ્લેસ પર વધારે જતા નહતા.
વધુમાં એના મિત્રએ જણાવ્યું કે ઇજાબેલ વિરાટને ખૂબ જ પ્રેમ કરતી હતી. એ વિરાટને મળવા અવારનવાર દિલ્હી પણ જતી હતી. રિપોર્ટ્સનું માનીએ તો ઇજાબેલે એક સમયે કન્ફર્મ કર્યું હતું કે એ વિરાટ કોહલીને ડેટ કરી રહી છે. પરંતુ આ સંબંધ વધારે દિવસો સુધી ટકી શક્યો નહીં અને 2013માં બંને અલગ થઇ ગયા.
ઇજાબેલના કરિયરની વાત કરીએ તો થોડાક દિવસો પહેલા અર્જુન રેડ્ડીની હિંદી રીમેક ફિલ્મ કબીર સિંહ રિલીઝ થઇ હતી. અર્જુન રેડ્ડીના સ્ટાર વિજય દેવરકોંડા જલ્દીથી એક ફિલ્મમાં નજરે આવવાના છે, એમાં એની ઓપોઝિટ ઇજાબેલ લિટે પણ કામ કરી રહી છે. થોડાક દિવસો અગાઉ બંનેના ફોટા સામે આવ્યા હતા, જેને ઇજાબેલએ શેર કર્યા હતા. ત્યારબાદ માહિતી મળી હતી કે બંને એકબીજાને ડેટ કરી રહ્યા છે. જો કે એની કોઇ પુષ્ટિ થઇ નથી.