ટીમ ઇન્ડિયાનો કેપ્ટન વિરાટ કોહલીની બેટિંગના વખાણ કરતા બાંગ્લાદેશના સલામી બેટ્સમેન તમીમ ઇકબાલે મંગળવારે કહ્યુ કે ''ક્યારેક-ક્યારેક એવું લાગે છે કે ભારતીય કેપ્ટન માણસ નથી.'' એક જાણીતા ન્યૂઝ માટે ઇન્ટરવ્યૂ આપતા કહ્યુ કે ''ક્યારેક મને લાગે છે કે તે માણસ નથી જેનું કારણ તેનું પરફૉર્મન્સ છે. જે રીતે તે મેચ રમવા માટે આવે છે ત્યારે લાગે છે કે તે તમામ મેચમાં સેન્ચુરી બનાવશે.''
તેણે આગળ કહ્યુ કે ''તે જે રીતે પોતાને ફિટ રાખે છે જે રીતે પોતાની રમત પર કામ કરે છે તે અવિશ્વાસનીય છે. તે સંભવિત રીતે તમામ ફોર્મેટમાં નંબર 1 છે. એક એવો વ્યકિત જેના વખાણ થઇ શકે છે અને તેમની પાસેથી શીખી શકાશે. મને લાગે છે કે તે શાનદાર છે.'' વિરાટ કોહલી ટેસ્ટ અને વનડે ફોર્મેટમાં દુનિયાનો નંબર 1 બેટ્સમેન છે અને ઓછી ઇનિંગમાં 10000 વનડે રન પૂરા કરવા માટે 81 રન દૂર છે.
આ રેકોર્ડ હાલમાં મહાન બેટ્સમેન સચિન તેંડુલકરના નામે છે જેણે 259 ઇનિંગ્સમાં ઉપલબ્ધિ હાંસલ કરી છે. જ્યારે વિરાટ કોહલી અત્યાર સુધી 204 ઇંનિગ્સ રહે છે. તમીમે કહ્યુ કે ''ગત 12 વર્ષમાં રમનાર તમામ મહાન ખેલાડીઓને જોયા છે. તેના પોતાના મજબૂત પક્ષ છે પરંતુ મેં એવો કોઇ વ્યકિત નથી જોયો કે જેનો વિરાટ જેવો દબદબો બનાવ્યો હોય.''