ટીમ ઇન્ડિયાનો કેપ્ટન વિરાટ કોહલી ભલે એઝબેસ્ટન ટેસ્ટમાં ટીમ ઇન્ડિયાને જીત ના અપાવી શક્યો પરંતુ વિરાટે પહેલી ઇનિંનિગમાં શતક અને બીજી ઇનિંન્ગમાં અર્ધશતક મારીને નંબર 1 ટેસ્ટ બેટ્સેમને બનવાનો મેડલ પ્રાપ્ત કરી લીધો છે. વિરાટ કોહલીએ ઓસ્ટ્રેલિયાના પૂર્વ કેપ્ટન સ્ટીવન સ્મિથને નંબર 1 ની ખુરશીથી હટાવી દીધો છે. જ્યારે વિરાટ કોહલી ટેસ્ટનો નંબર 1 બેટ્સમેન બની ચુક્યો છે.
એઝબેસ્ટન ટેસ્ટ બાદ જારી થયેલી આઇસીસી ટેસ્ટ રેંકિંગમાં વિરાટ કોહલીના 934 અંક થઇ ગયો છે અને એ પહેલા નંબર પર છે. ઓસ્ટ્રેલિયાના સ્ટીવન સ્મિથ 929 અંકોની સાથે બીજા નંબર પર છે. તો બીજી બાજુ ઇંગ્લેન્ડનો ટેસ્ટ કેપ્ટન જો રૂટ 865 અંકોની સાથે ત્રીજા નંબર પર છે. વિરાટ ઉપરાંત માત્ર ચેતેશ્વર પુજારા ટોપ 10માં છે. પુજારા 791 અંકો સાથે છઠ્ઠા નંબર પર છે.
વિરાટ કોહલીએ પહેલી વખત નંબર 1 ટેસ્ટ બેટ્સમેન બનવાનું ગૌરવ પ્રાપ્ત કર્યું છે. સાથે જ 7 વર્ષ બાદ કોઇ ભારતીય બેટ્સમેન નંબર 1 બેટ્સમેન બન્યું છે. આ પહેલા જૂન 2011માં સચિન તેંડુલકર નંબર 1 ટેસ્ટ બેટ્સમેન બન્યો હતો. સચિન ઉપરાંત નંબર 1 રેંકિંગ રાહુલ દ્રવિડ ગૌતમ ગંભીર સુનીલ ગાવાસ્કર વીરેન્દ્ર સહેવાગ દિલીપ વેંગસરકરે પણ પ્રાપ્ત કર્યો છે.