ટીમ ઈન્ડિયાના કેપ્ટન વિરાટ કોહલીએ બુધવારે વેસ્ટ ઈન્ડીઝ સામે ત્રીજી અને ફાઈનલ ટી-20 મેચમાં ચોથા નંબર પર બેટિંગ કરતા 29 બોલમાં અણનમ 70 રન બનાવ્યા હતા. વિરાટે આ વિસ્ફોટક ઇનિંગ્સમાં 7 છગ્ગા અને 4 ચોગ્ગા ફટકાર્યા હતા. આ સમય દરમિયાન તેનો સ્ટ્રાઈક રેટ 241.37 રહ્યો હતો.
વિરાટ કોહલીએ 29 બોલ પર 70 રન ફટકાર્યા
કોહલીની બેટિંગ જોઈ બધાં આશ્ચર્યમાં પડી ગયા
વિન્ડિઝ સામે જીતીને કોહલીએ અનુષ્કાને આપી એનિવર્સિરી ગિફ્ટ
મુંબઇના વાનખેડે સ્ટેડિયમમાં કેપ્ટન વિરાટ કોહલીની ધમાકેદાર બેટિંગ જોઈને બધાને આશ્ચર્યચકિત થઈ ગયા. આ મેચમાં વિરાટની એક ઇનિંગ્સે આખી મેચ જ બદલી નાખી. કોહલી ચોથા ક્રમે બેટિંગ કરવા આવ્યો હતો. તેણે વિન્ડિઝના દરેક બોલરને નિશાન બનાવ્યો અને 29 બોલમાં 7 છગ્ગા અને 4 ચોક્કાની મદદથી 70 રન કર્યા હતા. હકીકતમાં વિરાટની આ ઇનિંગ્સે ટીમ ઈન્ડિયાનો સ્કોર 240 રને પહોંચાડ્યો હતો.
કોહલીએ આ રીતે અનુષ્કાને આપી વેડિંગ એનિવર્સિરી ગિફ્ટ
ભારતના 241 રનના લક્ષ્યાંકના જવાબમાં વિન્ડિઝની ટીમ 173 રન બનાવી શકી અને ભારતીય ટીમની જીત સાથે વિરાટ કોહલીએ અનુષ્કા શર્માને મેરેજ એનિવર્સરીની ગિફ્ટ આપી. ઉલ્લખનીય છે કે, ટીમ ઈન્ડિયાના કેપ્ટન વિરાટ કોહલી અને તેની પત્ની બોલિવૂડ એક્ટ્રેસ અનુષ્કા શર્માએ બુધવારે 11 ડિસેમ્બરના રોજ તેમની સેકન્ડ મેરેજ એનિવર્સિરી સેલિબ્રેટ કરી હતી. આ વિશેષ પ્રસંગે વિરાટ અને અનુષ્કાની મેરેજ એનિવર્સિરી વેસ્ટ ઇન્ડીઝ સામેની ટીમ ઈન્ડિયાની જીત સાથે બમણી થઈ ગઈ. વિરાટ અને અનુષ્કાએ 11 ડિસેમ્બર 2017ના રોજ ઈટલીમાં ચુપચાપ લગ્ન કરી લીધા હતા.
ઓપનર બેટ્સમેન લોકેશ રાહુલ (91), રોહિત શર્મા (71) અને કેપ્ટન વિરાટ કોહલી (અણનમ 70)ની ઇનિંગેસના આધારે ભારતે વેસ્ટ ઇન્ડીઝ સામે 241 રન બનાવ્યા હતા. આ ત્રણ તોફાની ઇનિંગ્સના આધારે ભારતે ત્રણ ઓવરમાં 20 ઓવરમાં 3 વિકેટ ગુમાવી 240 રન બનાવ્યા હતા, જે ટી-20માં તેમનો ત્રીજો સર્વશ્રેષ્ઠ સ્કોર છે.
ટોસ જીત્યા બાદ વિન્ડિઝના કેપ્ટન કિરોન પોલાર્ડના બોલિંગનો નિર્ણય મુલાકાતી ટીમને ભારે પડ્યો હતો. મુંબઈ ઈન્ડિયન્સના કેપ્ટન અને સ્થાનિક ખેલાડી રોહિતે તેની ટીમના સાથી રાહુલ સાથે મળીને વિન્ડિઝના બોલર્સને એક પછી એક આઉટ કરવાનું શરૂ કર્યું હતું. આ બંનેના પાવર પ્લેથી 6 ઓવરમાં જ 12ની સરેરાશ બેટિંગ કરી ટીમને 72 સ્કોર પર પહોંચાડી હતી.
પાવર પ્લે પછી બંને વધુ પ્રબળ બન્યા અને આઠ ઓવરના અંતે ટીમ 100 પર પહોંચી ગઈ. રોહિત અને રાહુલ બંને વિન્ડિઝના દરેક બોલરને નિશાન બનાવી રહ્યા હતા. રાહુલને કેસરીક વિલિયમ્સે આઉટ કર્યો હતો. તે હેડન વોલ્શના હાથે કેચ આઉટ થયો. આઉટ થયા પહેલા રોહિતે રાહુલ સાથે પ્રથમ વિકેટ માટે 135 રનની ભાગીદારી કરી હતી.
પછી શરૂ થઈ કોહલીની તોફાની બેટિંગ
આ વખતે કોહલીએ ફરીથી ત્રીજા નંબરે પ્રયોગ કર્યો અને ઋષભ પંતને બેટિંગ માટે મોકલ્યો. જોકે પંત વધુ ટકી શક્યો નહોતો અને જેસન હોલ્ડરના હાથે કેચ આઉટ થયો હતો. ત્યારબાદ કોહલી અને રાહુલે એક્સિલેટર પર પગ મૂક્યો અને કોહલીએ માત્ર 21 બોલમાં અડધી સદી ફટકારી હતી. રાહુલ અને કોહલીએ 95 રનની ભાગીદારી નોંધાવી હતી. રાહુલ ટી-20માં તેની ત્રીજી સદી ચૂકી ગયો હતો અને 233ના કુલ સ્કોર પર શેલ્ડન કોટ્રેલની બોલથી આઉટ થયો હતો. રાહુલે 56 બોલમાં નવ ચોગ્ગા અને ચાર છગ્ગા ફટકાર્યા હતા. કોહલીએ તેનો છેલ્લા બોલ પર છગ્ગો મારી ટીમને 240નો સ્કોર આપ્યો. કોહલીએ તેની અણનમ ઇનિંગ્સથી 29 બોલમાં 7 છગ્ગા અને ચાર ચોગ્ગા ફટકાર્યા હતા.