ભારતીય ટીમે વિરાટ કોહલીની કેપ્ટનશિપમાં ઈતિહાસ રચીને સાઉથ આફ્રિકાને પહેલી ટેસ્ટ મેચમાં 113 રનથી કરારી હાર આપી છે. ટીમ ઈન્ડિયા સેન્ચ્યુરિયનમાં સાઉથ આફ્રિકા સામે ટેસ્ટ મેચ જીતનારી એશિયાની પ્રથમ ટીમ બની ગઇ છે.
સેન્ચ્યુરિયન ટેસ્ટ મેચમાં ભારતીય ટીમનો વિજય
જીત બાદ કોહલીએ મેદાનમાંથી વામિકાને વેવ કર્યુ
ઉત્સાહમાં આવીને પત્ની અને દીકરી તરફ જોઈ બૂમો પાડી
વામિકાને જોઈને ઉત્સાહમાં આવી ગયા કોહલી
ભારતીય ટીમની આ ધમાકેદાર જીત બાદ વિરાટ કોહલી પોતાની દીકરીની સાથે આનંદ શેર કરતા જોવા મળ્યાં હતા. કેપ્ટન વિરાટ કોહલી જીતની ઉજવણી કરવા માટે સ્ટેડિયમમાં તેમની પત્ની અનુષ્કા શર્મા અને વામિકા પણ હાજર રહી હતી. જીત બાદ વિરાટ કોહલીએ જે રીતે અનુષ્કા અને વામિકાને જોઈને ઉત્સાહમાં બૂમો પાડી. વિરાટ કોહલીના વીડિયો સોશિયલ મીડિયામાં ઝડપથી વાયરલ થઇ રહ્યાં છે. અનુષ્કા શર્મા મેચ દરમ્યાન વામિકા સાથે જોવા મળી. વિરાટ કોહલી જ્યારે જીતીને પેવેલિયનમાં પરત ફરી રહ્યા હતા ત્યારે દીકરી અને પત્નીને વેવ કર્યુ અને જોરથી બૂમો પાડી.
મહત્વનું છે કે, આ જીત સાથે વિરાટ કોહલી ભારતના એક એવા કેપ્ટન બની ગયા છે, જેમણે દક્ષિણ આફ્રિકાની જમીન પર બે ટેસ્ટ મેચ જીતી છે. આની પહેલા કોઈ પણ ભારતીય કેપ્ટન સાઉથ આફ્રિકાની ધરતી પર 1થી વધુ ટેસ્ટ મેચ જીત્યા નથી. કોહલી પહેલાં મહેન્દ્ર સિંહ ધોની અને રાહુલ દ્રવિડની કેપ્ટનશિપમાં ભારતે સાઉથ આફ્રિકામાં 1-1 ટેસ્ટ મેચ જીતી હતી. સેન્ચ્યુરિયનમાં ભારતીય ટીમે પહેલી ટેસ્ટ મેચમાં વિજય મેળવ્યો. જેને ઘણી હદ સુધી દક્ષિણ આફ્રિકા માટે એક કિલ્લો માનવામાં આવે છે.