સિદ્ધિ / વિરાટ કોહલીએ T20 ક્રિકેટમાં રચ્યો ઈતિહાસ, આવો ચમત્કાર કરનાર પ્રથમ બેટ્સમેન

વિરાટ કોહલીની ગણતરી ટી20 ક્રિકેટના મહાન બેટ્સમેનોમાં થાય છે. તે IPLમાં સૌથી વધુ રન બનાવનાર ખેલાડી છે અને 2008 થી તે જ ટીમ RCB માટે રમી રહ્યો છે. તે વર્તમાન સિઝનમાં સારા ફોર્મમાં છે અને ઘણા બધા રન બનાવી રહ્યો છે. હવે સનરાઇઝર્સ હૈદરાબાદ સામે, તેણે 25 બોલમાં 43 રન બનાવ્યા, જેમાં 7 ચોગ્ગા અને એક છગ્ગાનો સમાવેશ થાય છે.

RCB માટે 800 ચોગ્ગા પૂરા કર્યા

મેચમાં 7 છગ્ગા ફટકારીને, તેણે RCB માટે T20 ક્રિકેટમાં 800 ચોગ્ગા પૂરા કર્યા છે. તે ટી20 ક્રિકેટના ઇતિહાસમાં એક જ ટીમ માટે 800 ચોગ્ગા ફટકારનાર પ્રથમ બેટ્સમેન બન્યો. જેમ્સ વિન્સે હેમ્પશાયર માટે T20 ક્રિકેટમાં 694 ચોગ્ગા ફટકાર્યા છે. નોટિંગહામ ટીમ માટે એલેક્સ હેલ્સે 563 ચોગ્ગા ફટકાર્યા છે. ભારતના રોહિત શર્માએ મુંબઈ ઈન્ડિયન્સ ટીમ માટે T20 ક્રિકેટમાં 550 ચોગ્ગા ફટકાર્યા છે.

IPLમાં 8000 થી વધુ રન બનાવ્યા છે

વિરાટ કોહલી 2008 થી IPL માં RCB વતી રમી રહ્યો છે. અત્યાર સુધીમાં, તેણે 264 IPL મેચોમાં કુલ 8552 રન બનાવ્યા છે, જેમાં તેણે 8 સદી અને 62 અડધી સદી ફટકારી છે. તે IPLમાં સૌથી વધુ સદી ફટકારનાર બેટ્સમેન પણ છે.

વધુ વાંચો: રોહિત-વિરાટ પછી વધુ એક દિગ્ગજની ટેસ્ટ ક્રિકેટમાંથી સંન્યાસની જાહેરાત

ચેઝ કરતી વખતે શાનદાર ઇનિંગ્સ રમી

આરસીબી ટીમે આ સિઝનમાં સારું પ્રદર્શન કર્યું છે અને પ્લેઓફમાં જગ્યા બનાવી છે. આમાં વિરાટ કોહલીએ મોટું યોગદાન આપ્યું છે. તેણે આ સિઝનમાં અત્યાર સુધીમાં 548 રન બનાવ્યા છે. પીછો કરતી વખતે, તેણે એક અલગ જ પ્રકારનો દેખાવ કર્યો છે અને વિરોધી બોલરોને પછાડ્યા છે. તેણે IPL 2025 માં ચેઝ કરતી વખતે 59, 62, 73, 51 અને 43 રન બનાવ્યા છે. તેને ચેઝ માસ્ટર તરીકે ઓળખવામાં આવે છે. જો તે ક્રીઝ પર હાજર હોય, તો ચાહકો જીતની આશા રાખે છે. તેની ટેકનિક ઉત્તમ છે અને સમય જતાં તેની બેટિંગમાં સુધારો થયો છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ