કિંગ ઈઝ બેક / આખરે વિરાટનાં બેટથી નીકળ્યા 100 રન, કિંગ કોહલીને ફરી ફોર્મમાં આવેલો જોઈને ચાહકો પણ થઈ ગયા ખુશ

• કોહલીએ લિસેસ્ટરશાયર સામે વૉર્મઅપ મેચમાં સદી ફટકારી
• કોહલીએ બંને ઈનિંગમાં કુલ મળીને 100 રન બનાવ્યાં
• ચાહકોની આશા વધી, આંતરરાષ્ટ્રીય મેચમાં પણ આ પરાક્રમ કરે

કોહલી 7મા ક્રમે બેટીંગ માટે આવ્યાં અને લગાવી ફીફ્ટી

પૂર્વ ભારતીય કેપ્ટન વિરાટ કોહલી હાલમાં ભારતીય ટીમની સાથે ઈંગ્લેન્ડ પ્રવાસે છે. છેલ્લાં અઢી વર્ષથી મોટા સ્કોર માટે તરસી રહેલા કોહલીએ ઈંગ્લિશ ક્લબ લિસેસ્ટરશાયર સામે વૉર્મઅપ મેચમાં સદી બનાવીને પ્રશંસકોના મનમાં ખાસ્સી આશા જગાવી છે. હવે ક્રિકેટ પ્રેમીઓ ઈચ્છે છે કે કોહલી આંતરરાષ્ટ્રીય મેચમાં પણ આ પરાક્રમ કરી બતાવે. મહત્વનું છે કે કોહલીએ લિસેસ્ટરશાયર સામે પહેલી ઈનિંગમાં માત્ર 33 રન બનાવ્યાં હતા. જેના માટે તેમણે 69 બોલનો સામનો કર્યો હતો. આ દરમ્યાન કોહલીએ એક છગ્ગો પણ માર્યો હતો. ત્યારબાદ બીજી ઈનિંગમાં કોહલી ઘણા નીચે 7મા ક્રમે બેટિંગ માટે આવ્યાં અને આ વખતે ફીફ્ટી લગાવી. 

𝐊𝐨𝐡𝐥𝐢 𝐫𝐞𝐚𝐜𝐡𝐞𝐬 𝐡𝐢𝐬 5️⃣0️⃣! 🙌@imVkohli goes to a terrific half-century, guiding down to the third man boundary for 4️⃣.

𝐋𝐈𝐕𝐄 𝐒𝐓𝐑𝐄𝐀𝐌: https://t.co/SFmJYQvCJU 👈

🇮🇳 259/7, lead by 261.

🦊 #IndiaTourMatch | #LEIvIND | #TeamIndia pic.twitter.com/dynRFmP08P

— Leicestershire Foxes 🏏 (@leicsccc) June 25, 2022

કોહલીના બંને ઈનિંગમાં કુલ 100 રન

કોહલીએ બીજી ઈનિંગમાં 98 બોલનો સામનો કરીને 67 રનની ઈનિંગ રમી. આ દરમ્યાન તેમણે 2 છગ્ગા અને 5 ચોગ્ગા પણ ફટકાર્યા. આ રીતે કોહલીએ બંને ઈનિંગમાં કુલ મળીને 100 રન બનાવ્યાં. કોહલીને પહેલી ઈનિંગમાં રોમન વૉકરે આઉટ કર્યો હતો. જ્યારે બીજી ઈનિંગમાં ભારતીય ફાસ્ટ બોલર જસપ્રીત બુમરાહે કોહલીનો શિકાર કર્યો. બુમરાહની બોલિંગમાં કોહલી કેચ આઉટ થયો.