વિરાટ કોહલી આજે ઓસ્ટ્રેલીયા સામે 85 રન બનાવીને ટી20 ક્રિકેટમાં પોતાના 11000 રન પૂરા કરી શકે છે.
આજે ભારત અને ઓસ્ટ્રેલીયા વચ્ચે ત્રીજી ટી20 મેચ
વિરાટ કોહલી 85 રન બનાવીને ટી20 ક્રિકેટમાં પોતાના 11 હજાર રન પૂરા કરી શકે છે
અત્યાર સુધી કોઈપણ ભારતીય ક્રિકેટર આવું નહીં કરી શક્યો
ભારત અને ઓસ્ટ્રેલીયા વચ્ચે આજે સાંજે 7 વાગ્યાથી ત્રણ મેચોની ટી20 સીરિઝની ત્રીજી મેચ રમાશે. જે ટીમ આ મેચ જીતશે, તે સીરિઝ પણ જીતી જશે. આ મેચમાં ટીમ ઈન્ડિયાના બેટ્સમેન વિરાટ કોહલી પોતાના નામે એક મહારેકોર્ડ બનાવી શકે છે. આ મહારેકોર્ડ અત્યાર સુધી ભારતનો કોઈપણ બેટ્સમેન નથી બનાવી શક્યો.
આજે કોહલી બનાવી શકે છે આ રેકોર્ડ
વિરાટ કોહલી ઓ આજે ઓસ્ટ્રેલીયા સામે 85 રન બનાવી લે છે, તો તેઓ ઓવરઓલ ટી20 ક્રિકેટમાં 11,000 રન કરવાવાળા પહેલા ભારતીય ખેલાડી બની જશે. જણાવી દઈએ કે ભારતનો કોઈપણ બેટ્સમેન આજ સુધી આ મહારેકોર્ડ બનાવી નથી શક્યો. જો વિરાટ કોહલી આમ કરે છે, તો તેઓ ભારતીય ક્રિકેટના ઇતિહાસમાં એક મોટી ઉપલબ્ધિ પ્રાપ્ત કરી લેશે.
કોઈ પણ ભારતીય બેટ્સમેન આ નથી કરી શક્યો
વિરાટ કોહલીએ અત્યાર સુધી 351 ટી20 મેચમાં 40.12ની સરેરાશે 10915 રન બનાવ્યા છે. 85 રન બનાવતાની સાથે જ વિરાટ કોહલી ટી20 ક્રિકેટમાં 11000 કે તેના કરતાં વધારે રન બનાવનાર ભારતના પહેલા અને દુનિયાના ચોથા ખેલાડી બની જશે. જણાવી દઈએ કે ઓવરઓલ ટી20 ક્રિકેટમાં અત્યાર સુધી ક્રિસ ગેલ, શોએબ મલિક અને કિરોન પોલાર્ડે જ 11000 કે તેના કરતાં વધારે રન બનાવ્યા છે.