રેકોર્ડબ્રેક / કિંગ કોહલીનું ફોર્મ પાછું આવી ગયું! ફિફ્ટી ફટકારતાં જ બનાવ્યો રેકોર્ડ, પાકિસ્તાનનાં રિઝવાનને કર્યો ઓવરટેક

• વિરાટ કોહલીએ 31મી વાર ટી20 મેચમાં ફટકારી હાફ સેન્ચુરી 
• તોડ્યો પાકિસ્તાનનાં મોહમ્મદ રિઝવાનનો રેકોર્ડ 
• ભારતે હૉંગકૉંગને આપી માત 

વિરાટ કોહલીએ 31મી વાર ટી20 મેચમાં ફટકારી હાફ સેન્ચુરી 

હૉંગકૉંગ સામે મેચમાં વિરાટ કોહલીએ 44 બોલ પર 59 રન બનાવ્યા. પોતાના દાવમાં વિરાટે 1 ચોકકો અને 3 સિક્સર ફટકારી. કોલહીની આ ટી20 ઇન્ટરનેશનલમાં 31મી હાફ સેન્ચુરી હતી. આમ કરતાં જ કોહલીએ રોહિત શર્માની બરાબરી કરી લીધી છે. વિરાટ ટી20 ઇન્ટરનેશનલમાં 50 કે તેનાથી વધારે સ્કોર 31 વાર કરવામાં સફળ રહ્યા છે. આ સાથે જ પોતાની 101 ટી20 મેચમાં વિરાટે 50.77ની એવરેજ સાથે 3,402 રનનો સ્કોર બનાવ્યા છે. તેમની સ્ટ્રાઈક રેટ 137.12ની છે. તેમણે પાકિસ્તાની બેટ્સમેન મોહમ્મદ રિઝવાનને પણ પાછળ છોડી દીધા છે, જેમની એવરેજ 57 મેચમાં 50.14 છે. 

Virat Kohli matched Rohit Sharma's record during his half-century in Dubai in #AsiaCup2022👏

More ⬇️#INDvHK https://t.co/AWyTDh36g7

— ICC (@ICC) August 31, 2022

તોડ્યો પાકિસ્તાનનાં મોહમ્મદ રિઝવાનનો રેકોર્ડ 

જણાવી દઈએ કે વર્ષ 2022માં કોહલીએ આ ટી20 ઇન્ટરનેશનલમાં બીજી હાફ સેન્ચુરી ફટકારી છે. કોહલીએ હૉંગકૉંગ સામે શાનદાર ફોર્મમાં વાપસી કરી છે અને એવા એવા શૉટ ફટકાર્યા છે, જેને જોઈને ફેન્સ જૂની યાદોમાં ખોવાઈ ગયા હતા. ટી20 ઇન્ટરનેશનલમાં કોહલી અને રોહિત સિવાય બીજા એવા કોઈ બેટ્સમેન નથી, જેમનું નામ 30 કે તેથી વધારે વાર 50 રનનો સ્કોર બનાવવામાં હોય. 

Good win today. A special knock by SKY. We'll keep going. 🇮🇳 pic.twitter.com/wbSBWqLzOU

— Virat Kohli (@imVkohli) August 31, 2022

પાકિસ્તાનનાં કેપ્ટન બાબર આઝમની વાત કરી તો તેમનું નામ અત્યાર સુધી ટી20 ઇન્ટરનેશનલમાં 27 વાર 50 કે તેનાથી વધારે સ્કોર બનાવવાના રેકોર્ડમાં સામેલ છે. ડેવિડ વોર્નરે 23 વાર આ કમાલ કરી બતાવી છે. માર્ટિન ગાપ્ટિલ 22 વાર આવું કરી શક્યા છે. 

ભારતે હૉંગકૉંગને આપી માત 

હૉંગકૉંગ સામે મેચની વાત કરીએ તો ભારતે પહેલા બેટિંગ કરતાં 20 ઓવરમાં 2 વિકેટ પર 192 રન બનાવ્યા, જ્યાર બાદ હૉંગકૉંગની ટીમે 20 ઓવરમાં 5 વિકેટ પર 152 રન જ બનાવ્યા. ભારત આ મેચ જીતી ગયું. મેચ જીતીને ભારત સુપર 4 રાઉન્ડમાં પહોંચી ગયું છે. 
 

Koo App

Good win today. A special knock by SKY. We’ll keep going. 🇮🇳

View attached media content

- Virat Kohli (@virat.kohli) 31 Aug 2022