આફ્રિકા સામેની પહેલી વનડેમાં કોહલીએ એક મોટો રેકોર્ડ કર્યો છે. નવ રન કરતા જ કોહલી વિદેશી ધરતી પર વનડે ક્રિકેટમાં સૌથી વધુ રન બનાવનાર ખેલાડી બન્યો છે.
આફ્રિકા સામેની પહેલી વનડેમાં કોહલીનો મોટો રેકોર્ડ
વિદેશી ધરતી પર વનડેમાં સૌથી વધારે રન બનાવનાર ખેલાડી બન્યો
અત્યાર સુધી આ રેકોર્ડ સચિન તેડુલકરને નામે હતો
પૂર્વ કેપ્ટન વિરાટ કોહલીએ ભારત અને સાઉથ આફ્રિકા વચ્ચે રમાયેલી પ્રથમ વન ડેમાં મોટો રેકોર્ડ બનાવ્યો છે. વિરાટ કોહલી પોતાની ઈનિંગ દરમિયાન નવમો રન ફટકારતાં જ વિદેશી ભૂમિ પર વન ડે ક્રિકેટમાં સૌથી વધુ રન બનાવનાર ખેલાડી બન્યો હતો.
અત્યાર સુધી આ રેકોર્ડ પૂર્વ ક્રિકેટર સચિન તેંડુલકરના નામે હતો, પરંતુ વિરાટ કોહલીએ હવે આ રેકોર્ડ તોડી નાખ્યો છે. સચિન તેંડુલકરે વિદેશી ધરતી પર 147 મેચમાં 5065 રન બનાવ્યા હતા, જ્યારે વિરાટ કોહલીએ માત્ર 108 મેચમાં 5066 રન બનાવ્યા હતા.
કોહલીએ 108 મેચમાં 5066 રન પૂરા કર્યાં
આ રેકોર્ડ નબળા ફોર્મ સામે ઝઝૂમી રહેલા વિરાટ કોહલીને થોડું મનોબળ આપશે. ખાસ વાત એ છે કે વિરાટ કોહલીએ સચિન તેંડુલકર કરતા આ રેકોર્ડ બનાવવા માટે ખૂબ ઓછી મેચો લીધી છે. તેંડુલકરે 147 મેચમાં 5065 રન તો કોહલીએ 108 મેચમાં 5066 રન પૂરા કરી લીધા છે.
કોહલીએ ફક્ત તેડુંલકરનો જ નહીં પણ ઓસ્ટ્રેલિયાના પૂર્વ કેપ્ટન રિકી પોન્ટિંગનો પણ રેકોર્ડ તોડ્યો છે. દુનિયામાં વિદેશી ધરતી પર સૌથી વધારે વનડે રન બનાવવાના મામલે હવે કોહલી બીજા નંબરે છે. નંબર વન પર શ્રીલંકાના કુમાર સાંગાકારા છે.
વિદેશી ધરતી પર સૌથી વધારે રન
કુમાર સાંગાકારા- 5518 રન
વિરાટ કોહલી-5108 રન
રિકી પોન્ટિંગ-5090 રન
સચીન તેંડુલકર-5065 રન