આક્રમકતા / કોહલીએ તોડ્યો સચિનનો મહારેકોર્ડ, આવું કરનારો પ્રથમ ભારતીય ખેલાડી બન્યો

• વિરાટ કોહલીએ સચિન તેંડુલકરનો મોટો રેકોર્ડ તોડી નાખ્યો
• વિદેશની ધરતી પર સૌથી વધુ વન-ડે રન બનાવનારા ભારતીય બેટ્સમેન બન્યાં
• પહેલાં આ રેકોર્ડ માસ્ટર બ્લાસ્ટર સચિન તેંડુલકરના નામે હતો

વિરાટે સચિન તેંડુલકરનો રેકોર્ડ તોડ્યો

પહેલા આ રેકોર્ડ માસ્ટર બ્લાસ્ટર સચિન તેંડુલકરના નામે હતો. વિરાટ કોહલી જ્યારે દક્ષિણ આફ્રિકા સામે પહેલી વન-ડે મેચમાં ઉતર્યા તો વિદેશમાં રમાતી મેચોમાં તેમના નામે 5057 રન નોંધાયેલા હતા. આ કેટેગરીનો ભારતીય રેકોર્ડ સચિન તેંડુલકરના નામે હતો. જેણે વિદેશમાં રમાતી વન-ડે મેચોમાં 5065 રન બનાવ્યાં છે. સચિને આ રન બનાવવા માટે 147 મેચ રમી હતી. જ્યારે વિરાટ કોહલીએ ફક્ત 108 મેચમાં જ સચિનનો આંકડો પાર કરી લીધો. એટલેકે વિરાટને સચિનથી આગળ નિકળવા માટે 39 મેચ ઓછી રમવી પડી.

વિરાટે અવે મેચોમાં કેટલા રન બનાવ્યાં છે?

આ વાત જાણતા પહેલા એક વાત સ્પષ્ટ કરી લઇએ કે વિદેશમાં રમાતી મેચનો અર્થ વિદેશમાં રમવામાં આવતી મેચ નથી. આ મેચોનો અર્થ છે કે પ્રતિસ્પર્ધી ટીમના ઘર પર રમવામાં આવેલી મેચ. જેમકે કોહલી જો દક્ષિણ આફ્રિકાની સામે તેની જમીન પર રમે છે, તો તે ભારતીય ક્રિકેટર માટે અવે મેચ કહેવાશે. પરંતુ જો વિરાટ દક્ષિણ આફ્રિકા સામે કોઈ ત્રીજા દેશમાં રમે છે, તો તે ન્યુટ્રલ ગ્રાઉન્ડ કહેવાય છે. જ્યારે આપણે વિદેશી ગ્રાઉન્ડ પર મેચની વાત કરીએ છીએ ત્યારે અવે અને ન્યુટ્રલ બંને મેદાનના પ્રદર્શનને જોડી દેવામાં આવે છે. 

વિદેશની ધરતી પર સચિને 11 હજાર રન બનાવ્યાં છે

વિરાટ કોહલીએ અવે મેચોમાં 5108 રન બનાવ્યાં છે. જ્યારે વિદેશમાં રમવામાં આવેલી મેચોની વાત કરીએ તો આવી મેચમાં 7226 રન બનાવી ચૂક્યા છે. આ જ રીતે અવે મેચોમાં 5065 રન બનાવનારા સચિને વિદેશમાં કુલ 11,450 રન બનાવ્યાં છે. જે વિશ્વ રેકોર્ડ છે.