વાયરલ / તોફાની બેટિંગ બાદ કોહલીના 'સૂર્ય'નમસ્કારે જીત્યા લોકોના દિલ, VIDEO થઈ રહ્યો છે વાયરલ

• વિરાટે કર્યા સૂર્યયકુમાર યાદવને નમન 
• સૂર્યકુમારે બનાવ્યા 26 બોલ પર 68 રન 
• સોશિયલ મીડિયા પર વીડિયો વાયરલ 

સૂર્યકુમારે બનાવ્યા 26 બોલ પર 68 રન 

ભારતનાં સ્ટાર બેટ્સમેન વિરાટ કોહલીએ ભલે પોતાની 31મી ટી 20 હાફ સેન્ચુરી ફટકારી હોય, પરંતુ બુધવારે એટલે કે 31 ઓગસ્ટનાં રોજ સૂર્યકુમાર યાદવની હાફ સેન્ચુરી લાઇમલાઇટમાં રહી. વિરાતે પણ પોતાના સાથી સૂર્યકુમાર યાદવનાં વખાણ કર્યા, જેમણે હૉંગકૉંગ સામે માત્ર 26 બોલમાં 68 રન બનાવ્યા. બીજી બાજુ કોહલીએ 44 બોલમાં 59 રન ફટકાર્યા. વિરાટ કોહલીએ સૂર્યાનો દાવ જોઈ, તેની સામે નતમસ્તક જોવા મળ્યા. 

વિરાટે કર્યા સૂર્યયકુમાર યાદવને નમન 

દુબઈ ઇન્ટરનેશનલ સ્ટેડિયમમાં હૉંગકૉંગ સામે ભારતનો પહેલો દાવ સમાપ્ત થયા બાદથી કોહલીનો સૂર્યકુમારને નમન કરતો વીડિયો ઇન્ટરનેટ પર વાયરલ થઈ રહ્યો છે. બંને બેટ્સમેનની હાફ સેન્ચુરી બાદ પ્રશંસકો હેરાન રહી ગયા અને કોહલીએ સૂર્યકુમાર યાદવનાં વખાણ પણ કર્યા. સૂર્યકુમારે પહેલી વાર આવો દાવ નથી રમ્યો. તેઓ ઇન્ટરનેશનલ, આઈપીએલ અને ઘરેલૂ ક્રિકેટમાં આવું ઘણી વાર કરી ચૂક્યા છે. 

Virat Kohli shows respect and bows down to Surya ♥️ pic.twitter.com/c3r0N0LZ12

— Sharma Ji Ka Ladka (@Brahman_Kuldip) August 31, 2022

સોશિયલ મીડિયા પર વીડિયો વાયરલ 

વિરાટ કોહલીનાં આવા રિએક્શન પર હવે સોશિયલ મીડિયા પર કમેંટ્સનું તોફાન આવ્યું છે. એક ક્રિકેટ ફેન કહે છે કે જ્યારે તમે કિંગ સાથે બેટિંગ કરો છો અને તેમની પાસેથી આવું રિએક્શન મળે છે, તો એ તમારી બેટિંગની બેસ્ટ મુમેન્ટ છે. એક અન્ય ફેન લખે છે કે જ્યારે એરોગન્ટ અને અગ્રેસીવ કહેવાતા વિરાટ કોહલી તમને નમન કરે છે, તો એ તમારા માટે ખૂબ જ મોટી વાત છે. એક અન્ય લખે છે કે આ ખૂબ જ દુર્લભ તસવીર છે. વિરાટ સૂર્ય - નમસ્કાર કરી રહ્યા છે.