ભારતીય ક્રિકેટ ટીમ ગઈ કાલે કેપ્ટન કોહલીના બર્થ ડે પર સ્કોટલેન્ડ સામેના મુકાબલામાં શાનદાર રીતે વિજયી બની હતી. ભારતીય ટીમે વિરાટનો જન્મ દિવસ ઉજવ્યો હતો.
બર્થડે પર ટોસ જીત્યો વિરાટ
ટીમ ઈન્ડિયાએ ઉજવ્યો બર્થ ડે
ટીમે સ્કોટલેન્ડને આઠ વિકેટે હરાવ્યું
T20 વર્લ્ડકપ 2021 માં ભારતીય ટીમે સ્કોટલેન્ડને આઠ વિકેટે હરાવ્યું હતું, કેપ્ટન કોહલીનો ગઈ કાલે બર્થડે હતો અને બર્થ ડે બોય ટોસ જીત્યો હતો અને બોલિંગ લીધી હતી. ત્યાર બાદ ભારતીય બોલર્સે શાનદાર બોલિંગ કરતાં સ્કોટલેન્ડ ને 100 રન પણ કરવા દીધા નહોતાં.
ભારતની બેટિંગ આવતા જ ભારતીય ઓપનર્સ વરસ્યા હતા અને એકતરફી મુકાબલામાં ભારતનો શાનદાર વિજય થયો હતો. સેમિફાયનલમાં પહોંચવાની ભારતીય ટીમની આશા હજુ જીવંત છે.
વિરાટનો બર્થ ડે ગઈ કાલે ભારતીય કેપ્ટન વિરાટ કોહલીનો બર્થ ડે હતો. કિંગ કોહલી 33 વર્ષનો થયો હતો. બર્થ ડે ની સાથે સાથે ટીમની જીતે ઉજવણીમાં ચાર ચાંદ લગાવી દીધા હતા. બાદમાં ટીમ ઈન્ડિયાએ વિરાટનો બર્થડે સેલિબ્રેટ કર્યો હતો.
વિરાટ બ્રિગેડે અગાઉ પાકિસ્તાન અને ન્યુઝીલેન્ડ સામે નાલેશીભરી હાર બાદ જોરદાર કમબેક કરતાં બાકીની બે મેચોમાં શાનદાર વિજય મેળવ્યો હતો. અફઘાનિસ્તાન સામે એકતરફા વિજય બાદ ટીમે સ્કોટલેન્ડને તો સાવ ઘૂંટણીયે બેસાડી દીધું હતું.
બર્થડે પર ટોસ જીત્યો વિરાટ
કેપ્ટન વિરાટ કોહલી પોતાના બર્થ ડે પર ટોસ જીત્યો હતો.
ત્યાર બાદ તેની ફિલ્ડ સેટિંગ અને ગ્રાઉન્ડ પર નિર્ણય લેવામાં પણ અવ્વલ રહ્યો હતો.
આ રીતે ઉજવ્યો બર્થ ડે
સ્કોટલેન્ડ સામેની જીત બાદ કેપ્ટન વિરાટનો બર્થ ડે જોરદાર રીતે સેલિબ્રેટ કરવામાં આવ્યો હતો. વિરાટના બર્થડે સેલિબ્રેશનનો એક વિડીયો પણ વાયરલ થયો હતો. જેમાં વિરાટના ચહેરા પર કેક લગાવેલી જોઈ શકાય છે અને સાથે તેના માથે કેકનો મોટો ટુકડો જોવા મળી રહ્યો છે. વિડીયોમાં વરુણ ચક્રવર્તી,ઇશાન કિશન અને ઋષભ પંત પણ એન્જોય કરતાં દેખાઈ રહ્યા છે.
વિરાટ મેચ બાદ પોતાના બર્થ ડે અંગે કહ્યું હતું કે હવે હું એ બધામાંથી બહાર આવી ગયો છું અને હવે મારી ફેમિલી સાથે જ બર્થ ડે વિતાવવા માગું છું. મારી પત્ની અને દિકરી અહીં છે જે મારા માટે પૂરતું છે અને પરિવાર સાથે હોવાનું એક આશીર્વાદથી કમ નથી.
તો બીસીસીઆઈ દ્વારા પણ એક વિડીયો શેર કરવામાં આવ્યો હતો જેમાં લખવામાં આવ્યું હતું કે કેક, આનંદ અને વિજય! કેપ્ટન વિરાટનો બર્થ ડે સેલિબ્રેટ કરી રહેલા