હાલમાં દુનિયાના નંબર 1 બેટ્સમેન વિરાટ કોહલી પોતાના કરિયરમાં એક પછી એક નવી સિદ્ઘિઓ હાસંલ કરી રહ્યો છે. આ લિસ્ટમાં 30 વર્ષના વિરાટે ઓસ્ટ્રેલિયાની ધરતી પર આજે એટલે કે રવિવારે અન્ય એક સિદ્ઘિ મેળવી લીધી છે જેના કારણે ફરી એકવખત તે ચર્ચામાં આવી ગયો છે.
પર્થ ટેસ્ટમાં બીજા દિવસ 82 રન બનાવીને પવેલિયન ગયેલા કેપ્ટન વિરાટ કોહલીએ ત્રીજા દિવસે 18 રન બનાવીને પોતાની 25મી સેન્ચુરી કરી. જે ખૂબ જ ખાસ છે આ સેન્ચુરી મદદથી તેણે ટીમ ઇન્ડિયાને તો મજબૂત સ્થિતિમાં લાવ્યુ પરંતુ સાથે એમ પણ સાબિત કરી બતાવ્યું કે આ સદીના ક્રિકેટરોમાં સૌથી આગળ છે.
વિરાટ કોહલીએ ઓસ્ટ્રેલિયાના સર ડ્રોન બ્રેડમેન બાદ ટેસ્ટ ક્રિકેટમાં સૌથી ઝડપી 25 સેન્ચુરી પૂરી કરી. બ્રેડમેને 70 વર્ષ પહેલા 68 ઇનિંગમાં 25 સેન્ચુરી પૂરી કરી અને આ સિદ્ઘિ મેળવી. વિરાટે 127 ઇનિંગમાં પોતાની 25 સેન્ચુરી પૂરી કરી.
સૌથી ઓછી ઈનિંગમાં 25 ટેસ્ટ સેન્ચુરીના આંકડા સુધી પહોંચવાની વાત કરીએ તો વિરાટ સચિન તેડુંલકર અને સુનિલ ગાવસ્કર જેવા દિગ્ગજોને પાછળ છોડી દીધા જચે. સચિને આ સિદ્ઘિ 130 ઇનિંગમાં મેળવી હતી જ્યારે ગાવસ્કરે 138 ઇનિંગમાં......
હાલના એક્ટિવ ક્રિકેટર્સની વાત કરી એ તો હાશિમ આમલા (28 સેન્ચુરી) બાદ વિરાટ કોહલી સૌથી વધારે સેન્ચુરી ફટકારનારો બેટ્સમેન છે. તે બેનની સજા ભોગવી રહેલા ઓસ્ટ્રેલિયા દિગ્ગજ સ્ટિવ સ્મિથ (23 સેન્ચુરી)ને પાછળ છોડી દીધો છે.
વિરાટ કોહલીની આ ઓસ્ટ્રેલિયા સામે છઠ્ઠી ટેસ્ટ સેન્ચુરી છે. તેણે ઓસ્ટ્રેલિયામાં સૌથી વધારે સેન્ચુરી ફટકારવાનો સચિનના રેકોર્ડની બરાબરી કરી હતી. સચિને ઓસ્ટ્રેલિયામાં 6 ટેસ્ટ સેન્ચુરી કરી છે પૂર્વ ભારતીટ કેપ્ટન સુનિલ ગાવસ્કરે ઓસ્ટ્રેલિયામાં 5 સેન્ચુરી ફટકારી છે. આ પછીના ક્રમે વીવીએસ લક્ષ્મણ 4 સેન્ચુરી સાથે ચોથા ક્રમે છે.