ભારતીય ક્રિકેટ ટીમના કેપ્ટન વિરાટ કોહલી મેદાનમાં તો અનેક રેકોર્ડ પોતાના નામે કરે જ છે, પરંતુ હવે તેણે મેદાનની બહાર પણ એક કીર્તિમાન સ્થાપિત કર્યો છે. કોહલીએ વધુ એક ઉપલબ્ધિ હાંસલ કરી લીધી છે. વિરાટ કોહલી ઈન્સ્ટાગ્રામ પર 50 મિલિયન ફોલોઅર્સ ધરાવતો પહેલો ભારતીય સેલિબ્રિટી બની ગયો છે. ઈન્સ્ટાગ્રામ ફોલોઅર્સ મામલે કોહલીએ બોલિવૂડ અત્રિનેત્રી પ્રિયંકા ચોપડાને પણ પાછળ છોડી દીધી છે.
વિરાટ કોહલીએ દિગ્ગજ સેલિબ્રિટીને પાછળ છોડી દીધા
ઈસ્ટાગ્રામ પર 50 મિલિયન ધરાવતો પહેલો ક્રિકેટર બન્યો વિરાટ
આ સેલિબ્રિટીના છે ઈન્સ્ટાગ્રામ પર 200 મિલિયન ફોલોઅર્સ
પ્રિયંકા ચોપડાના ઈન્સ્ટાગ્રામ પર 49.9 મિલિયન ફોલોઅર્સ છે આ સાથે જ તે બીજા નંબર પર છે. વર્ષ 2020ની શરૂઆત સુધી પ્રિયંકા ચોપડા ઈન્સ્ટાગ્રામ પર ફોલોઅર્સ મામલે વિરાટથી આગળ હતી. ઈન્સ્ટાગ્રામ ફોલોઅર્સ મામલે ટોપ-10 ભારતીય હસ્તીઓમાં કોહલી એકમાત્ર ક્રિકેટર છે. જોકે, ટીમ ઈન્ડિયાના પૂર્વ કેપ્ટન મહેન્દ્ર સિંહ ધોનીના ઈન્સ્ટાગ્રામ પર 20.1 મિલિયન ફોલોઅર્સ છે.
વિરાટ કોહલીએ અત્યાર સુધી ઈન્સ્ટાગ્રામ પર કુલ 930 પોસ્ટ કરી છે. જ્યારે વિરાટ ઈન્સ્ટાગ્રામ પર માત્ર 148 લોકોને જ ફોલો કરે છે. પ્રિયંકાએ અત્યાર સુધી ઈન્સ્ટાગ્રામ પર કુલ 3056 પોસ્ટ કરી છે. જ્યારે વિરાટ ઈન્સ્ટાગ્રામ પર માત્ર 505 લોકોને જ ફોલો કરે છે.
આ સેલિબ્રિટીના છે ઈન્સ્ટાગ્રામ પર 200 મિલિયન ફોલોઅર્સ
આ લિસ્ટમાં ત્રીજું નામ દીપિકા પાદુકોણનું છે. તેના ઈન્સ્ટાગ્રામ પર 44.1 મિલિયન ફોલોઅર્સ છે. દુનિયામાં સૌથી વધુ ઈન્સ્ટાગ્રામ ફોલોઅર્સ ધરાવનાર સેલિબ્રિટી પ્રખ્યાત ફુટબોલર ક્રિસ્ટિયાનો રોનાલ્ડો છે. જેના 200 મિલિયન ફોલોઅર્સ છે.