ટીમ ઇન્ડિયા અને સાઉથ આફ્રિકા વિરુદ્ઘ ટેસ્ટ સીરિઝની બીજી મેચ પૂનામાં રમાઇ રહી છે. ત્યારે મેચના ચોથા દિવસે ટીમ ઇન્ડિયાના કેપ્ટન વિરાટ કોહલીએ પોતાની કેપ્ટન્સીના નામે એક નવો રેકોર્ડ બનાવી દીધો છે.
પહેલી ઇનિંગમાં ટીમ ઇન્ડિયા અને કેપ્ટન વિરાટ કોહલીએ ડબલ સેન્ચુરી મદદથી ટીમે 601 રનનો સ્કોર કર્યો, જ્યારે ટાર્ગેટ પૂરો કરવા માટે આવેલી સાઉથ આફ્રિકાની ટીમ 275 રનથી ઑલઆઉટ થઇ ગઇ. જે પછી ટેસ્ટ મેચના ચોથા દિવસે વિરાટે વિરોધી ટીમને ફૉલોઑન આપ્યુ.
વિરાટ કોહલીએ કેપ્ટન તરીકે પોતાની 50મી ટેસ્ટમાં કેપ્ટન્સી કરી રહ્યો છે. આ મેચમાં સાઉથ આફ્રિકાને ફૉલોઑન આપીને વિરાટે ઇતિહાસ બનાવી દીધો છે. વિરાટ કોહલી સાઉથ આફ્રિકા ટેસ્ટ ઇતિહાસમાં ફૉલોઑન આપનારો પહેલો ભારતીય કેપ્ટન બની ગયો છે. ટીમ ઇન્ડિયા માટે સૌથી વધારે ટેસ્ટ મેચ રમનારા કેપ્ટન્સમાં શામેલ મોહમ્મદ અઝહરુદ્દીન, સૌરવ ગાંગુલી અને મહેન્દ્ર સિંહ ધોની પણ આ કારનામું નથી કરી શક્યા.
આ મેચમાં ડબલ સેન્ચુરી કરી 7000 રન પૂરા કર્યા:
સાઉથ આફ્રિકા વિરુદ્ઘ ટીમ ઇન્ડિયાએ માત્ર એક જ વખત ઇનિંગથી જીત મેળવી છે. મહેન્દ્ર સિંહ ધોનીની કેપ્ટન્સીમાં ટીમ ઇન્ડિયાએ સાઉથ આફ્રિકાના વિરુદ્ઘ ઇનિંગ અને 52 રનથી જીત મેળવી હતી, પરંતુ ફૉલોઑન આપવાનો મૌકો આપ્યો ન હતો.
સૌથી ઝડપથી 1000 ટેસ્ટ રન:
વિરાટ કોહલીએ સૌથી ઓછી ઇનિંગમાં સાઉથ આફ્રિકા વિરુદ્ઘ 1000 ટેસ્ટ રન પૂરા કરનાર ભારતીય બેટ્સમેન બની ગયો છે. વિરાટ કોહલીએ 19મી ઇનિંગમાં આ સિદ્ઘિ મેળવી છે. આ પહેલા વિરેન્દ્ર સહેવાગના રેકોર્ડને તોડ્યો જેમાં 20 ઇનિંગ્સમમાં તેમણે સાઉથ આફ્રિકા વિરુદ્ઘ 1000 રન કર્યા હતા. સચિન તેંડુલકરે 29 અને રાહુલ દ્રવિડે 30 ઇનિંગ્સમાં 1000 ટેસ્ટ રન પૂરા કર્યા.
આ સિવાય ટીમ ઇન્ડિયાના કેપ્ટન વિરાટ કોહલી ગુરુવારે પૂને ગ્રાઉન્ડ પર ટૉસ જીતીને પહોંચ્યા તો તેણે એક વધુ ઉપલબ્ધિ પોતાના નામે કરી. વિરાટ કોહલી હવે ટીમ ઇન્ડિયાની બીજા એવા કેપ્ટન બની ગયા છે, જેમણે 50 ટેસ્ટ મેચમાં ટીમ ઇન્ડિયાની કેપ્ટન્સી કરી હોય. વિરાટના પહેલા પૂર્વ કેપ્ટન મહેન્દ્ર સિંહ ધોની એક માત્ર કેપ્ટન રહ્યો, જેણે 50 થી વધુ ટેસ્ટ મેચમાં ટીમ ઇન્ડિયાની કેપ્ટન્સી કરી હોય.
કેપ્ટન્સીમાં હાફ સેન્ચુરી કરનારા વિરાટ કોહલી દુનિયાના 14માં અને બીજો ભારતીય કેપ્ટન છે. આ ટેસ્ટ મેચ પહેલા વિરાટ ભારતીય કેપ્ટનોની યાદીમાં સૌરભ ગાંગુલીની સાથે સંયુક્ત રૂપથી બીજા સ્થાન પર હતો. 49 મી ટેસ્ટમાં ટીમ ઇન્ડિયાની કેપ્ટન્સી કરનાર સૌરભ ગાંગુલી (2000-2005 ) હવે ત્રીજા સ્થાન પર આવી ગયો. એમ.એસ.ધોની (2008-2014) ના 60 ટેસ્ટ મેચમાં ટીમ ઇન્ડિયાની કેપ્ટન્સી કરી અને આજે સૌથી વધારે ટેસ્ટમાં કેપ્ટન્સી કરનારી કેપ્ટન છે.
સાઉથ આફ્રિકા વિરુદ્ઘ 3 ટેસ્ટ મેચની સીરિઝમાં ટીમ ઇન્ડિયા 1-0થી આગળ છે. બંને ટીમ વચ્ચે રમાઇ રહેલી વર્લ્ડ ટેસ્ટ ચેમ્પિયનશીપનો ભાગ છે. હાલમાં ટીમ ઇન્ડિયા ચેમ્પિયનશીપના પૉઇન્ટ ટેબલ પર નંબર 1 પર છે.