વિરાટ કોહલી અને અનુષ્કા શર્મા બંનેએ પોતાના ઇનસ્ટાગ્રામ પેજ પર મસ્તી ભરેલો ફોટો પોસ્ટ કર્યો છે.
વિરાટ કોહલી માટે હાલ બધું યોગ્ય ચાલી રહ્યું છે. એની કેપ્ટનસીમાં ટીમ ઇન્ડિયા આઇસીસી વર્લ્ડકપ 2019ની સેમીફાઇનલમાં પહોંચી ગઇ છે. તે રન બનાવીને મેચ જીતાડી રહ્યો છે. પર્સનલ લાઇફમાં પણ તે પત્ની અનુષ્કા શર્મા સાથે આરામથી લાઇફ પસાર કરી રહ્યો છે.
એની એક ઝલક ત્યારે જોવા મળી જ્યારે બુધવારે વિરાટ અને અનુષ્કા બંને પોતાના ઇન્સ્ટાગ્રામ પર મસ્તી ભરેલો ફોટો પોસ્ટ કર્યો. અનુષ્કાએ વિરાટ સાથે ફોટો પોસ્ટ કરતાં લખ્યું, 'Seal the silly moments ❣️' આ ફોટામાં અનુષ્કા અને વિરાટ સાથે ઊભેલા છે. અનુષ્કાના હાથ વિરાટના ખભા પર છે અને એ ફની રીતે મોઢું બનાવી રહ્યો છે. અનુષ્કા એને જોઇને હસે છે.
વિરાટ કોહલીએએ પણ અનુષ્કાની સાથે એક ફોટો પોસ્ટ કર્યો. એમાં બંને ટેબલ પાસે ઊભેલા છે, જ્યાં શ્રીમાન અને શ્રીમતી લખ્યું છે. એમાં કોહલી અને અનુષ્કા બંને ખૂબ જ ખુશ જોવા મળી રહ્યા છે.
કોહલી હાલ વર્લ્ડકપમાં રમી રહ્યો છે. અનુષ્કા શર્મા પણ હાલ વર્લ્ડકપ જોવા ઇંગ્લેન્ડમાં છે. મેચ બાદ જ્યારે પણ તક મળે છે આ કપલ ફરવા નિકળી જાય છે.
વિરાટ અને અનુષ્કાએ ડિસેમ્બરમાં લગ્ન કર્યા હતા અને બંને પહેલી વખત એક એડ શૂટ દરમિયાન મળ્યા હતા. ત્યારબાદ બંને વચ્ચેમિત્રતા થઇ ગઇ અને લાંબા સમય સુધી ડેટિંગ કર્યું.