સાઉથ આફ્રિકા વિરુદ્ઘ 5 જાન્યુઆરીથી શરૂ થતી ટેસ્ટ સીરિઝ પહેલા ટીમ ઇન્ડિયાના કેપ્ટન વિરાટ કોહલી અને સ્ટાર ઑપનર શિખર ધવન મસ્તીના મૂડમાં જોવા મળી રહ્યા હતા. વાસ્તવમાં વિરાટ કોહલી અને શિખર ધવનનો ભાંગડા પ્રેમ ફરીથી જોવા મળ્યો છે. સાઉથ આફ્રિકાના કેપ્ટાઉનમાં બંને ડાન્સ કરતા જોવા મળ્યા હતા. સોશ્યલ મીડિયા પર આ બંનેનો વીડિયો વાયરલ થઇ રહ્યો છે વીડિયોમાં કેપ્ટન વિરાટ કોહલી અને શિખર ધવન મસ્તીમાં ભાંગડા કરતાં જોવા મળે છે.
આ વીડિયોમાં કોહલી અને ધવન કેપ્ટાઉનમાં મસ્તી કરતા જોવા મળી રહ્યા છે આ વીડિયોમાં શિખર ધવનનો દીકરો જોરાવર પણ તેની સાથે મસ્તી કરતો જોવા મળે છે.
ઉલ્લેખનીય છે કે ટીમ ઇન્ડિયાના સ્ટાર ઑપનર શિખર ધવનને ઘૂંટણ પર ઇજા થવાના કારણે સાઉથ આફ્રિકાની વિરુદ્ઘ રમાયેલી ટેસ્ટ મેચમાં આરામ આપવામાં આવ્યો છે. શિખર ધવનની જગ્યાએ મુરલી વિજય અથવા તો લોકેશ રાહુલને ટીમમાં જગ્યા મળી શકે છે.
ટીમ ઇન્ડિયા સાઉથ આફ્રિકામાં 56 દિવસના પ્રવાસ પર છે. જેમાં ટીમ ઇન્ડિયા સાઉથ આફ્રિકા વિરુદ્ઘ 5-28 જાન્યુઆરી વચ્ચે 3 ટેસ્ટ 1-21 ફેબ્રુઆરી 6 વન ડે અને ત્યાર પછી 3 T-20 મેચની સીરિઝ રમશે. ભારતે 1992થી લઇ અત્યાર સુધી દક્ષિણ આફ્રિકામાં કોઇ ટેસ્ટ સીરિઝ જીતી નથી. જેથી એ જોવું રસપ્રદ રહેશે કે ભારતીય ટીમ શું કમાલ કરી શકે છે.