વર્ષ 2017માં જ્યારે ભારતીય ક્રિકેટ ટીમનો કેપ્ટમ વિરાટ કોહલી અને એક્ટ્રેસ અનુષ્કા શર્માએ લગ્ન કર્યા તો દરેક લોકોની નજર એમની પર હતી. ભલે આ લગ્ન એમને પોતાના દેશથી દૂર જઇને કર્યા. લગ્ન પહેલા બંનેએ ખુલીને એક બીજાને ડેટ કરવાની વાતનો સ્વીકાર કર્યો નથી. પરંતુ આખા સ્ટેડિયમમાં અનુષ્કા શર્મા વિરાટને ચીયર કરવા પહોંચી જાય છે. વિરાટ પણ બેટિંગ કરતાં એને ઇશારો કરતો રહે છે. હવે આ સિલસિલો તમને વર્લ્ડ કપ 2019માં જોવા મળશે.
ઓસ્ટ્રેલિયા અને ન્યૂઝીલેન્ડમાં ભારતીય ક્રિકેટ ટીમની સાથે રહેલી અનુષ્કા શર્માએ હવે ક્રિકેટ વર્લ્ડ કપ દરમિયાન ટીમનો કેપ્ટન અને પતિ વિરાટ કોહલીની સાથે હાજર રહેવાની તૈયારી શરૂ કરી દીધી છે. રિપોર્ટ અનુસાર પતિ અને ભારતીય ટીમને ચીયર કરવા ઇંગ્લેન્ડ જશે. એના માટે અનુષ્કા એ જે ખાસ તૈયારી કરી છે એને જાણીને તમે અનુષ્કા પર ગર્વ કરશો.
વિરાટ કોહલી પહેલી વખત 50 ઓવર વાળી વર્લ્ડ કપની કેપ્ટની કરતા નજરે પડશે. અનુષ્કાએ હંમેશા વિરાટનો સાથ આપ્યો છે. આ ખાસ તક પર પણ અનુષ્કા પતિને ભરપૂર સાથ આપવા ઇચ્છે છે. એટલા માટે એને નક્કી કર્યું છે કે વિરાટના કરિયરના મહત્વના પડાવ પર એ એની સાથે રહેશે.
અનુષ્કાના નજીકના સૂત્રો જણાવે છે કે વર્લ્ડ કપમાં ભારતીય ટીમની સાથે રહીને ખેલાડીઓનું પ્રોત્સાહન વધારવા માટે એને કેટલીક મોટી ફિલ્મ પ્રોજેક્ટ્સની તારીખ પણ આગળ માટે ટાળી દીધી છે.
અનુષ્કાના આ પ્લાનિંગનું એક રસપ્રદ ટ્વિટ પણ છે. એમ તો અનુષ્કા પતિ વિરાટ સાથે સત્તાવાર રીતે પણ ભારતીય ક્રિકેટ ટીમની સાથે જઇ શકે છે, પરંતુ આ વખતે અનુષ્કા વીઆઇપી ગેલેરીની જગ્યાએ સામાન્ય દર્શકોની સાથે મેચ જોવાની તૈયારી કરી રહી છે. સૂત્ર જણાવે છે કે અનુષ્કા પોતાનો સમગ્ર ખર્ચ પોતે જ ઊઠાવશે. એ કોઇ પણ પણ પ્રકારની વીઆઇપી ટ્રીટમેન્ટ લેશે નહીં.
અનુષ્કા અને વિરાટ બંને મોટી હસ્તીઓ છે. અનુષ્કા જાણે છે કે આ વર્લ્ડ કપ વિરાટ અને ભારતીય ટીમ માટે કેટલો મહત્વનો છે. વિરાટ અને પૂરી ટીમ એને જીતવા માટે પોતાની પૂરી તાકાત લગાવી દેશે. એટલા માટે અનુષ્કા ઇચ્છતી નથી તે એના કારણે વિરાટનું થોડું પણ ધ્યાન ટૂર્નામેન્ટથી હટે. આ કારણથી જ અનુષ્કાએ આ ખાસ પ્લાન તૈયાર કર્યો છે.