ટીમ ઇન્ડિયાના કેપ્ટન વિરાટ કોહલીએ ફોર્બ્સ ઇન્ડિયા દ્વારા રજૂ કરવામાં આવેલા સૌથી વધારે કમાણી કરાનારા 100 સેલિબ્રેટીઝમાં યાદીમાં સલમાન ખાનને પાછળ છોડીને નંબર 1 બની ગયો છે. વિરાટ કોહલી આ રેન્કિંગમાં 2018માં બીજા સ્થાને હતો.
આ વર્ષે 2018માં વિરાટ કોહલી 252.72 કરોડ રૂપિયાની કમાણી સાથે સલમાનને છોડીને નંબર 1 આવી ગયો છે. આ વર્ષે અક્ષય કુમાર (વર્ષ 2019માં 293.25 કરોડની કમાણી) આ યાદીમાં બીજા નંબરે રહ્યો છે. 31 વર્ષીય વિરાટ કોહલીએ 1, ઓક્ટોબર, 2018થી 30, સપ્ટેમ્બર 2019 દરમિયાન 252.72 કરોડની કમાણી કરી હતી, જેમાં મેચ ફી, BCCI સેન્ટ્રલ કોન્ટ્રાક્ટ, બ્રાન્ડ એમ્બેસડરની આવક પણ સિવાય છે. આ સિવાય મેગેઝિનમાં જણાવવામાં આવ્યુ છે કે, વિરાટ કોહલીની ઇન્સ્ટાગ્રામ પર દરેક પોસ્ટ માટે કરોડ રૂપિયાની ફી પણ લે છે.
સલમાન ખાન આ લિસ્ટમાં ત્રીજા નંબરે છે. અમિતાભ બચ્ચને ‘કૌન બનેગા કરોડપતિ 11’ સફળતાપૂર્વક હોસ્ટ કર્યો હતો અને તેને કારણે તેઓ ચાર નંબર પર છે, તેમની કમાણી 239.25 કરોડ છે. આ લિસ્ટામાં શામેલ પૂર્વ કેપ્ટન મહેન્દ્ર સિંહ ધોની 135.93 કરોડની રૂપિયાની કમાણી સાથે પાંચમાં ક્રમે છે, ધોની ગત વર્ષે પણ આ જ ક્રમે હતો.
આ વર્ષે પહેલી જ વાર ટોપ 10ના લિસ્ટમાં બે એક્ટ્રેસ આલિયા ભટ્ટ (નંબર 8 પર) તથા દીપિકા પાદુકોણ (નંબર 10 પર) સામેલ છે. તો છઠ્ઠા અને સાતમા સ્થાન પર ક્રમશ શાહરુખ ખાન, રણવીર સિંહ પણ છે.
સેલિબ્રિટી 100 લિસ્ટ રેન્કિગમાં બે માપંદડો ધ્યાનમાં લેવામાં આવે છે, જેમાં સૌ પહેલાં અંદાજીત કમાણીને ધ્યાનમાં લેવામાં આવે છે. અંદાજીત કમાણીમાં પ્રોફેશનલ ફી તથા એન્ડોર્સમેન્ટ ફીનો સમાવેશ થાય છે. બીજા માપદંડ તરીકે તેમની અંદાજિત લોકપ્રિયતાને ધ્યાનમાં લેવામાં આવે છે, જેમાં પ્રિન્ટ તથા સોશ્યલ મીડિયા રીચનો સમાવેશ થાય છે. કમાણીમાં કોઈ ઈવેન્ટમાં હાજરી આપી તે, પ્રાઈવેટ પર્ફોર્મન્સ, રોકાણો પરનું વળતર તથા હિસ્સેદારીના વેચાણનો સમાવેશ કરવામાં આવ્યો નથી. કેટલાંક સેલિબ્રિટીઝની આવક વધારે હોય પરંતુ તેમની લોકપ્રિયા ઓછી હોવાને કારણે તેઓ લિસ્ટમાં પાછળ રહ્યાં છે. આ ગણતરીમાં 1, ઓક્ટોબર, 2018થી 30, સપ્ટેમ્બર 2019નો સમયગાળો લેવામાં આવ્યો છે.