સિદ્ઘિ / 'વિરાટ દાયકો': 10 વર્ષમાં કોહલીએ કર્યા 20000 રન, દુનિયાનો પહેલો બેટ્સમેન

વેસ્ટ ઇન્ડિઝ વિરુદ્ઘ વનડે સીરિઝની છેલ્લી મેચમાં વિરાટે સતત બીજી સેન્ચુરી ફટકારી અને ટીમ માટે 6 વિકેટથી જીત પાક્કી કરી. પોતાના વનડે કરિયરની 43મી સેન્ચુરી ફટકાર્યા પછી વિરાટે જે સિદ્ઘિ મેળવી તે ક્રિકેટના ઇતિહાસમાં કોઇ બેટ્સમેનને નથી મેળવી. ટીમ ઇન્ડિયાના કેપ્ટન વિરાટ કોહલી એક દાયકામાં એટલે કે 10 વર્ષમાં ઇન્ટરનેશનલ ક્રિકેટમાં 20000 રન પૂરા કરનારો પહેલો બેટ્સમેન બન્યો.

King for a reason 👑👑#TeamIndia take the ODI series 2-0 🇮🇳🇮🇳 #WIvIND pic.twitter.com/Wr8tZJO5e1

— BCCI (@BCCI) August 14, 2019

10 વર્ષમાં 20000 રન:

વિરાટ કોહલીએ ક્રિકેટના 3 ફોર્મેટમાં મળીને 20502 રન કર્યા, જેમાં 20018 રન તેણે હાલના દાયકામાં કર્યા. બેટિંગના બાદશાહ વિરાટે ટેસ્ટ અને T-20 ઇન્ટરનેશનલ 2010માં ડેબ્યૂ કર્યુ, જ્યારે વનડે ક્રિકેટમાં 2008માં ડેબ્યૂ કર્યુ. 

રિકી પોન્ટિંગને છોડ્યો પાછળ

એક દશકમાં સૌથી વધારે રન બનાવવાના મામલામાં ઓસ્ટ્રેલિયાના પૂર્વ કેપ્ટન રિકી પોન્ટિંગ (18692 રન)નો નંબર આવે છે. સાઉથ આફ્રિકાના પૂર્વ ઓલરાઉન્ડર જેક કાલિક 16777 રનની સાથે આ લિસ્ટમાં ત્રીજા નંબરે આવે છે. ક્રમશ: મહેલા જયવર્ધને (16,304 રન), કુમાર સંગાકારા (15,999 રન), સચિન તેંડુલકર (15,962 રન), રાહુલ દ્રવિડ (15,853 રન) અને હાશિમ આમલા (15,185 રન)નો નંબર આવે છે. 

કેપ્ટન તરીકે સર્વાધિક સેન્ચુરી:

- રિકી પોન્ટિંગ (ઓસ્ટ્રેલિયા) 220 ઇનિંગ્સ 22 સેન્ચુરી
- વિરાટ કોહલી (ટીમ ઇન્ડિયા) 76 ઇનિંગ્સ 21 સેન્ચુરી
- એબી ડી વિલિયર્સ (સાઉથ આફ્રિકા) 98 ઇનિંગ્સ 13 સેન્ચુરી