ક્રિકેટ / વિરાટ અને તમન્નાને હાઈકોર્ટે ઓનલાઇન જુગાર માટે નોટીસ મોકલી, જાણો શું છે આખો મામલો

• ઓનલાઇન ફેન્ટસી ગેમનાં આ ત્રણેય બ્રાન્ડ એમ્બેસેડર
• યુવાઓને લોભામણી જાહેરાતથી શિકાર બનાવાય છે
• સ્કિલ ગેમિંગ ઈન્ડસ્ટ્રી જુદા રાજ્યોમાં અલગ નિયમોની સમસ્યા નો સામનો કરે છે 

રાજ્ય સરકાર પાસેથી જવાબ માંગ્યો
વિરાટ કોહલી, તમન્ના ભાટીયા અને અજુ વર્ગીઝને કેરળ હાઈકોર્ટે નોટીસ મોકલી છે જે નોટીસ ઓનલાઇન રમી ખેલો પર કાયદાકીય રોક લગાવવાની માંગની અરજીનાં આધારે મોકલવામાં આવી છે. કોર્ટે તેનાં પર રાજ્ય સરકાર પાસેથી જવાબ પણ માંગ્યો છે, જે ઓનલાઇન રમી ગેનાં બ્રાન્ડ એમ્બેસેડર તરીકે આ ત્રણેય સેલિબ્રિટી છે.
રમી ગેમનો કારોબાર 200 કરોડનો
એક અનુમાન મુજબ મોબાઈલ પર રમાતી આ રમી ગેમનો કારોબાર આશરે 200 કરોડ રુપિયા છે. સેલિબ્રિટીઝ દ્વારા લોભામણી જાહેરાત આપીને મોટી સંખ્યામાં યુવાઓને શિકાર બનાવવામાં આવે છે. વિરાટ-તમન્ના ઉપરાંત એક બે વિજેતાઓનાં માધ્યમથી ટીવી ચેનલોમાં પર આ એપનાં ગુણગાન કરવામાં આવે છે, પણ હારનાર વ્યક્તિઓની કોઈ ચર્ચા નથી કરવામાં આવતી.
સ્વ-નિયમનકારી સંસ્થાની સ્થાપનાની માંગ કરી હતી
નીતિ આયોગે હાલમાંજ ઓનલાઇન ફેંન્ટસી સ્પોર્ટ્સ ઉદ્યોગ માટે એક સ્વ-નિયમનકારી સંસ્થાની સ્થાપના કરવાની માંગ કરી હતી. નીતિ આયોગે આ ઉદ્યોગનાં ઉપભોગતાઓની ઓછામાં ઓછી ઉંમર 18 વર્ષ કરવાનો પણ પ્રસ્તાવ કર્યો હતો. ગત સપ્તાહમાં ઓનલાઇન રમી ફેડરેશનનાં એક નિવેદન મુજબ ફેન્ટસી સ્પોર્ટ્સની જેમ સ્કિલ ગેમિંગ ઈન્ડસ્ટ્રી પણ અલગ અલગ રાજ્યોમાં અલગ નિયમોની સમસ્યાનો સામનો કરી રહી છે.