વીડિયોની ખરાઇ કરવા VTV ન્યુઝની ટીમ બેપાદર ગામે પહોંચી, સત્ય આવ્યું બહાર, શ્વાનને ખવડાવવા બનાવ્યો હતો શીરો પણ બનાવટમાં થઈ હતી ભૂલ
લોખંડી શીરાએ વધાર્યુ કુતૂહલ
વાયરલ વીડિયોની સત્યતા ચકાસાઇ
પાટણના બેપાદર ગામનો વીડિયો
સોશ્યલ મીડિયામાં લોખંડી શીરાનો વીડિયો અત્યારે ખૂબ વાઈરલ થઈ રહ્યો છે. જોકે આ વીડિયોની ખરાઇ કરવા VTV ન્યુઝની ટીમ પહોચી હતી. આ વિડિયો પાટણ જિલ્લાના સરસ્વતી તાલુકાના બેપાદર ગામનો હોવાનું સામે આવ્યું છે. આ ગામના મહાદેવના મંદિરમાં પહોંચી હતી.
બેપાદર ગામમાં લોકભાગીદારીથી કૂતરાઓ માટે બનાવ્યો હતો શીરો
બેપાદર ગામના બાવાભાઈ ચૌધરી નામનાં વૃદ્ધે જણાવ્યું હતું કે ઉતરાયણના દિવસે કૂતરાઓ માટે શીરો બનાવવાનું અમે નક્કી કર્યુ હતું. ગ્રામજનોએ લોકભાગીદારીથી આ શીરો બનાવવામાં આવ્યો હતો. જોકે રાત્રે શીરો બનાવવામાં આવ્યો હતો અને તેની બનાવટમાં થોડી ભૂલ રહી જતા શીરો લોખંડ જેવા બની ગયો હતો. ત્યારબાદ ફરી શીરો બનાવી શ્વાનોને ખવડાવવામાં આવ્યો હતો. આ વીડિયો વાઇરલ થયા જતા બેપદાર ગામમાં સહિત લોકોમાં કુતૂહલ પેદા થયુ હતું.
સેવાભાવી ગામ પણ શીરાની બનાવટમાં થઈ હતી ભૂલ
જેને ટાંકણા અને હથોડીથી તોડી તેના ટુકડા કરી ફરી પાણી નાખી ગરમ કરી તેનો ફરી શીરો બનાવી અબોલ શ્વાનોને ખવડાવવામાં આવ્યો હતો બેપાદર ગામ એ જીવ દયા પ્રેમી ગામ છે વર્ષોથી શ્વાનો માટે આ ગામમાં સીરો બનાવવામાં આવે છે તો આ ગામ વચ્ચે કબુતરોને ચણ પણ નાખવામાં આવે છે જોકે ચાલુ સાલે શીરો બનાવતા થોડી ભૂલ થઈ જતાં આ ઘટના બની હતી.