દુર્દશા / કચરો ઉપાડતી ગાડીમાં કોરોના દર્દીઓને લઈ જવાતા ખળભળાટ, પૂર્વ CM વીડિયો જોઈને ભડક્યાં

વીડિયોમાં દેખાતા દર્દીઓમાં 2 મહિલા અને 1 પુરુષ છે. આ વીડિયો સોશ્યલ મીડિયા ઉપર વાયરલ થઇ રહ્યો છે જેમાં ઘણા લોકોએ આ મુદ્દે પ્રતિક્રિયા આપી છે. 

Appalling! Three #Covid_19 patients in BC Colony, Jarjapupeta in Vizianagaram Dist were seen taken to the hospital in a ‘Garbage vehicle’. Don’t know about #Coronavirus, but the helpless patients might contract other dangerous diseases. Why are they not being treated like humans? pic.twitter.com/FJ1sAfswGc

— N Chandrababu Naidu #StayHomeSaveLives (@ncbn) August 2, 2020

આંધ્રપ્રદેશના પૂર્વ CM N ચંદ્રાબાબુ નાયડુએ આ વીડિયોને ટ્વીટ કરીને લખ્યું છે કે "ભયાનક! વિઝિયાનગરમ જીલ્લાના જર્જાપુપેટા વિસ્તારની BC કોલોનીના 3 કોરોનાના દર્દીઓને કચરો ઉઠાવવા વાળી ગાડીમાં લઇ જઈને હોસ્પિટલ લઇ જતા જોવામાં આવ્યા. કોરોના વિષે તો ખબર નહીં પણ એવી શક્યતા છે કે આ કચરાગાડીમાં રહીને દર્દીઓ અન્ય ગંભીર બીમારીઓથી સંક્રમિત થઇ જાય. તેમની સાથે આવો અમાનવીય વ્યવહાર કેમ કરવામાં આવી રહ્યો છે?

આ વીડિયો વાયરસ થયા પછી તેની તપાસના આદેશ આપવામાં આવ્યા છે. પ્રાથમિક તપાસમાં જાણવા મળ્યું છે કે આ ઘટના શુક્રવારની છે. આ બાજુ નેલ્લીમારલા નગર પંચાયતના કમિશનર જે આર અપ્પાલા નાયડુએ એક નિવેદન આપ્યું છે. તેમણે કહ્યું કે આ કચરાની ટ્રકનો ઉપયોગ સોડિયમ હાયપોક્લોરાઈડ, બ્લીચિંગ પાવડર અને 20 કિલો મીઠું લાવવા માટે કરવામાં આવ્યો હતો જેનો ઉપયોગ કોરોનાથી મૃત્યુ પામેલા દર્દીઓના અંતિમ સંસ્કાર માટે કરવામાં આવતો હતો. તેમો ઉપયોગ દર્દીઓને લેવા મુકવા માટે કેમ થયો તેની અમે તપાસ કરી રહ્યા છીએ.