હેલિકોપ્ટર ક્રેશને વાયરલ વીડિયો મહત્વના પુરાવા માટે ઉપયોગી
ફ્લાઈટ રિકોર્ડરને મહત્વપૂર્ણ કડી માનવામાં આવી રહી છે
અચાનક સામે આવનારા ધુમ્મસ અને વાદળ બને છે સમસ્યા
ફ્લાઈટ રિકોર્ડરને મહત્વપૂર્ણ કડી માનવામાં આવી રહી છે
સોશિયલ મીડિયા પર સીડીએસ બિપિન રાવતના હેલિકોપ્ટર Mi-17V5 સાથે સંબંધિત એક કથિત વીડિયો વાયરલ થઈ રહ્યો છે. આ વીડિયોના માધ્યમથી હેલિકોપ્ટર ક્રેશ થવાના મહત્વના પુરાવા મળી રહ્યા છે. આ ઉપરાંત ફ્લાઈટ રિકોર્ડરને મહત્વપૂર્ણ કડી માનવામાં આવી રહી છે. વાયરલ વીડિયોને સ્થાનીય લોકોએ જણાવ્યું છે કે આ વીડિયોમાં જોવા મળી રહ્યું છે કે હેલિકોપ્ટર બહું ઓછી ઉંચાઈ પર ઉડી રહ્યુ હતુ. એ બાદ અચાનક વાદળો સાથે અથડાયું અને પછી થોડી જ સેકન્ડમાં તે ક્રેશ થઈ ગયું છે.
વીડિયોની સત્યતાથી ઈન્કાર નથી કરવામાં આવ્યો
આ મામલામાં ટ્રાઈ સર્વિસ તપાસ કરી રહી છે. આ દરમિયાન અનુભવી હેલિકોપ્ટર પાયલટોનું કહેવું છે કે વાયરલ વીડિયો ફુટેજમાં સ્પષ્ટ દેખાઈ રહ્યું છે કે ખરાબ હવામાન અને વાદળ ક્રેશનું મુખ્ય કારણ બની શકે છે. સરકારે અત્યાર સુધી વીડિયોની સત્યતાથી ઈન્કાર નથી કરવામાં આવ્યો.
શું કહ્યું રિટાયર્ડ હેલિકોપ્ટર પાયલટ
ભારતીય વાયુ સેનામાંથી રિટાયર્ડ ગ્રુપ કેપ્ટન નિતિન વેલડેએ ન્યૂઝ ચેનલને કહ્યું કે સોશિયલ મીડિયા પર વાયરલ વીડિયોમાં સ્પષ્ટ દેખાય છે કે હેલિકોપ્ટર એક ગાઢ વાદળમાં ઘૂસી ગયું છે અને કદાચ અચાનક થોડીક વારમાં તે ક્રેશ થઈ ગયું છે. તેમણે કહ્યું કે વીડિયો જોઈ એવું લાગે છે કે હેલિકોપ્ટરની સ્પીડ ઓછી હતી. વાદળોમાં ઘૂસ્યા બાદ હેલિકોપ્ટર ન દેખાયું. વીડિયોની શરુઆતમાં અને પછી મધ્યમાં હેલિકોપ્ટરનો અવાજ બદલાયેલો લાગી રહ્યો છે. જો કે હેલિકોપ્ટર ઉડાડતા સમયે નીચેની જમીન સ્પષ્ટ દેખાવી જોઈએ. હકિકતમાં હેલિકોપ્ટર કઈ વસ્તુ સાથે અથડાયું તેનો જવાબ ઈન્ક્વાયરી ટીમની તપાસ બાદ જ મળશે.
અચાનક સામે આવનારા ધુમ્મસ અને વાદળ બને છે સમસ્યા
કમાન્ડર કેપી સંજીવ કુમારે કહ્યું છે કે કન્નૂરના મોટાભાગના વિસ્તારોમાં હવામાન સાફ હોય છે અને આકાશ ચમકતું રહે છે પરંતુ ઠંડીના વાતાવરણમાં ઓછી ઉંચાઈ પર વાદળ અને ધુમ્મસ ઘણી વાર જોવા મળે છે. ઘણી વાર અચાનક ધુમ્મસ સામે આવતું હોય છે. જે મોટી સમસ્યા બને છે.