IPL 2025 / Video: 17 વર્ષીય બેટ્સમેન આયુષ મ્હાત્રેની તોફાની બેટિંગ જોઇ સ્ટેડિયમમાં જ રડી પડ્યો આ યંગ બૉય

મુંબઈના વાનખેડે સ્ટેડિયમમાં રમાયેલી મુંબઈ ઈન્ડિયન્સ અને ચેન્નાઈ સુપર કિંગ્સ વચ્ચે રમાયેલી મેચમાં 9 વિકેટે મુંબઈએ મેચ પોતાની તરફ કરી પણ આખી મેચમાં ચર્ચાનો વિષે રહ્યો 17 વર્ષના આયુષનો ડેબ્યૂ. તે ચેન્નાઈ સુપર કિંગ્સ તરફથી રમવાવાળો સૌથી યંગ પ્લેયર બની ગયો છે. આ મેચમાં આયુષે 15 બોલમાં 32 રન બનાવ્યા જેમાંથી તેણે 4 ફોર અને 2 સિક્સ ફટકારી.

IPLમાં CSK ટીમના અત્યાર સુધીના યંગ પ્લેયર્સ

• 17 વર્ષ - આયુષ મ્હાત્રે vs MI, વાનખેડે, 2025
• 18 વર્ષ - અભિનવ મુકુંદ vs RR, ચેન્નાઈ, 2008
• 19 વર્ષ - અંકિત રાજપૂત vs MI, ચેન્નાઈ, 2013
• 19 વર્ષ - મથિશા પાથિરાના vs GT, વાનખેડે, 2022
• 20 વર્ષ - નૂર અહેમદ vs MI, ચેન્નાઈ, 2025

જ્યારે આયુષ મ્હાત્રે બેટિંગ કરી રહ્યો હતો ત્યારે તેનો કઝિન ( પિતરાઈ ભાઈ) સ્ટેડિયમમાં તેનું પરફોર્મન્સ જોઈને ભાવુક થઈ ગયો હતો. તે ખુશી થઈને નાચી પણ રહ્યો હતો અને તેની આંખોમાં ખુશીના આંસુ પણ હતા. અને આ ઈમોશનલ ક્ષણનો વિડીયો હાલ વાયરલ થઈ રહ્યો છે.

કઝિનનો વિડીયો થયો વાયરલ

આ મેચમાં મુંબઈ ઈન્ડિયન્સના કેપ્ટન હાર્દિક પંડ્યાએ ટોસ જીતીને પહેલા બોલિંગ લીધી હતી. ચેન્નાઈએ શિવમ દુબે અને રવિન્દ્ર જાડેજાની અડધી સદીના આધારે 20 ઓવરમાં 5 વિકેટ ગુમાવીને 176 રન બનાવ્યા હતા. જવાબમાં મુંબઈએ રોહિત શર્મા અને સૂર્યકુમાર યાદવની વિસ્ફોટક બેટિંગના આધારે 16મી ઓવરમાં જ ટાર્ગેટ અચિવ કરીને મેચ 9 વિકેટથી જીતી લીધી. રોહિત શર્માએ 45 બોલમાં 76 રનની ઇનિંગ રમી અને નોટ આઉટ રહ્યો. સૂર્યાએ 30 બોલમાં 68 રનની ઇનિંગ રમી. સૂર્યાએ 5 સિક્સ અને 6 ફોર ફટકારી. જેના કારણે મુંબઈએ ચેન્નાઈના 177 રનનો ટાર્ગેટ 16મી ઓવરમાં જ સરળતાથી ચેઝ કરી લીધો.

વધુ વાંચો: રોહિત-સૂર્યાએ બોલોરોને ધોયા, CSKની 9 વિકેટથી હાર, મુંબઈએ લગાવી જીતની હેટ્રિક

• મુંબઈ ઈન્ડિયન્સ પ્લેઈંગ ઈલેવન: રાયન રિકેલ્ટન (વિકેટકીપર), વિલ જેક્સ, સૂર્યકુમાર યાદવ, તિલક વર્મા, હાર્દિક પંડ્યા (કેપ્ટન), નમન ધીર, મિચેલ સેન્ટનર, દીપક ચહર, ટ્રેન્ટ બોલ્ટ, જસપ્રીત બુમરાહ, અશ્વિની કુમાર.
• ચેન્નાઈ સુપર કિંગ્સ પ્લેઈંગ ઈલેવન: શેખ રશીદ, રચિન રવિન્દ્ર, આયુષ મ્હાત્રે, રવિન્દ્ર જાડેજા, શિવમ દુબે, વિજય શંકર, જેમી ઓવરટોન, એમએસ ધોની, નૂર અહેમદ, ખલીલ અહેમદ, મથિશા પથિરાના.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ