રાજસ્થાનના જોધપુરના જંગલોમાં કેટલાક શિકારીઓએ હરણનો શિકાર કરીને તેનું માંસ ખાધું હોવાનો વીડિયો વાયરલ થયો હતો.
રાજસ્થાનના જોધપુરમાં ફરી હરણના શિકારની ઘટના
શિકારીઓએ મારીને હરણને ઝાડ પર લટકાવ્યું
ચામડી ઉતરડીને માંસ કાપીને રાંધ્યું
વીડિયો વાયરલ થતાં બિશ્વોઈ સમુદાય ઉકળી ઉઠ્યો
રાજસ્થાનમાં બોલીવુડ એક્ટર સલમાનખાનનો કથિત હરણકાંડ હજુ બધાના મનમાં છે. ત્યારે ફરી એક વાર હરણની શિકારની ઘટના બનતાં બિશ્વોઈ સમાજ આઘાત પામ્યો છે. જોધપુર બાડમેરની વચ્ચેના જંગલોમાં સાતથી આઠ શિકારીઓએ એક હરણનો શિકાર કર્યો હતો અને ત્યાર બાદ તેની લાશને ઝાડ સાથે લટકાવીને તેની ચામડી ઉતરડી લીધી હતી અને છુરી વડે કટકાં કરીને માંસ બહાર કાઢ્યું અને તેને ઝાડની નીચે જ રાંધીને ખાધ્યું હતું. હરણના માંસની મિજબાનીનો વીડિયો વાયરલ થતાં હડકંપ મચ્યો છે.
હરણને પૂજતો બિશ્નોઇ સમુદાય આઘાતમાં
બિશ્નોઇ ટાઇગર ફોર્સે પોલીસ કમિશનર અને ડિવિઝનલ ફોરેસ્ટ ઓફિસરને એક મેમોરેન્ડમ સુપરત કર્યું હતું, જેમાં વીડિયોમાં દેખાતા તમામ લોકોની ધરપકડ કરીને વાઇલ્ડ લાઇફ (પ્રોટેક્શન) એક્ટ હેઠળ તેમની સામે ગુનો નોંધવાની માગણી કરવામાં આવી હતી. જૂથે આ ક્ષેત્રમાં નિયમિત પેટ્રોલિંગ માટે ઉડતી ટુકડીઓની રચના કરવાની પણ માંગ કરી હતી.
બિશ્નોઇ ટાઇગર ફોર્સના વડા રામ પાલ ભાવડે જણાવ્યું હતું કે "અમને ખાતરી આપવામાં આવી છે કે બે દિવસમાં ગુનેગારો સામે કડક કાર્યવાહી કરવામાં આવશે.
વાયરલ થયો વીડિયો
આ ઘટનાનો એક વીડિયો વાયરલ થયો છે જેમાં ચિંકારા ઝાડ પર લટકતો જોવા મળે છે કારણ કે તેની ચામડીની છાલ ઉતારવામાં આવી રહી છે અને માંસ કાપીને રાંધવામાં આવી રહ્યું છે, તે રવિવારે સોશિયલ મીડિયામાં ખૂબ વાયરલ થયો હતો. આ ક્લિપ જોધપુરના લુણીના પન્નેસિંહ નગરના એક ખેતરની હોવાનું કહેવાય છે. વન્યપ્રાણી કાર્યકર ઓમ પ્રકાશે જણાવ્યું હતું કે ઘણા શિકારીઓ જોધપુર-બાડમેર સરહદ પર રહેવા લાગ્યાં છે અને તેઓ હરણનો શિકાર કરીને માંસ મોંઘા ભાવે હોટલવાળાને વેચે છે.
લુણીના ધારાસભ્ય માહેન્દ્ર બિશ્નોઇએ જણાવ્યું હતું કે તેમણે આ ઘટના અંગે પૂછપરછ કરી હતી. "વન અધિકારીઓએ ઘટનાસ્થળની મુલાકાત લીધી હતી અને લોહીના નમૂના લીધા હતા. એવું પણ ચર્ચાઈ રહ્યું છે કે તે ચિંકારા નહીં પણ બકરી હતી.