સોશિયલ મીડિયા પર આજે એક વીડિયો ઝડપથી વાયરલ થઈ રહ્યો છે. આ વીડિયોમાં પ્રિયંકા ચોપડા ઝિંદાબાદના નારા લગાવવામાં આવી રહ્યા છે. આ વીડિયો કોંગ્રેસ પાર્ટીની જાહેર સભાનો હોવાનું કહેવામાં આવી રહ્યું છે. વીડિયોમાં દિલ્હીના કોંગ્રેસ અધ્યક્ષ સુભાષ ચોપડા પણ જોવા મળી રહ્યા છે.
કોંગ્રેસી નેતાની જીભ લપસી
પ્રિયંકા ગાંધીને બદલે પ્રિયંકા ચોપડાના નામે કર્યા સૂત્રોચ્ચાર
સોશિયલ મીડિયા પર વીડિયો થયો વાયરલ
કોંગ્રેસના નેતાની જીભ લપસી
સોશિયલ મીડિયા પર કોંગ્રેસ પાર્ટીનો એક વીડિયો વાયરલ થઈ રહ્યો છે. આ વીડિયો ચર્ચામાં છે. ઉલ્લેખનીય છે કે આ વીડિયોમાં કોંગ્રેસી નેતાની જીભ લપસી છે. એક જનસભામાં કોંગ્રેસના નેતાએ પ્રિયંકા ગાંધીને બદલે પ્રિયંકા ચોપડાના નામના સૂત્રોચ્ચાર કર્યા હતા. વીડિયોમાં પૂર્વ વિધાયક સુરેન્દ્ર કુમારનો પણ ઉલ્લેખ છે અને સાથે જ દિલ્હી કોંગ્રેસ અધ્યક્ષ સુભાષ ચોપડા પણ જોવા મળી રહ્યા છે.
#WATCH Delhi: Slogan of "Sonia Gandhi zindabad! Congress party zindabad! Rahul Gandhi zindabad! Priyanka Chopra zindabad!" (instead of Priyanka Gandhi Vadra) mistakenly raised by Congress' Surender Kr at a public rally. Delhi Congress chief Subhash Chopra was also present.(01.12) pic.twitter.com/ddFDuZDTwH
22 સેકંડના આ વીડિયોમાં સૂત્રોચ્ચાર સમયે કોંગ્રેસના નેતાએ બફાટ કર્યો હતો. પછી તેઓએ સોરી પણ કહ્યું હતું. તેઓએ સૂત્રોચ્ચાર કરતાં કહ્યું હતું કે સોનિયા ગાંધી ઝિંદાબાદ, કોંગ્રેસ પાર્ટી ઝિંદાબાદ, રાહુલ ગાંધી ઝિંદાબાદ, પ્રિયંકા ચોપડા ઝિંદાબાદ. સોરી પ્રિયંકા ગાંધી, સોનિયા ગાંધી.
વાયરલ વીડિયોને લઈને ટ્વિટર પર યૂઝર્સે ટિપ્પણીઓ પણ શરૂ કરી હતી. એક યુઝરે લખ્યું કે આખરે પ્રિયંકા ચોપડાએ રાજનીતિમાં એન્ટ્રી લઈ લીધી. એક અન્ય યૂઝરે લખ્યું કે ભાવનામાં વહી ચૂકેલા કોંગ્રેસી કાર્યકર્તા ઉતાવળમાં પ્રિયંકા ગાંધીને બદલે પ્રિયંકા ચોપડા બોલ્યા હતા.