સુરેન્દ્રનગર / વીડિયો વાયરલ થયા બાદ વૈદ્ય થયાં અંડરગ્રાઉન્ડ, કેન્સર મટાડવાનો કર્યો હતો દાવો

• સુરેન્દ્રનગરના વૈદ્યનો વીડિયો વાયરલ થવાનો મામલો
• વૈદ્યરાજ વિભાભાઈ સભાડ થયા ફરાર 

ઢોંગી વૈદ્યરાજ કેન્સર, ટીબી અને ડાયાબીટીસ જેવા રોગ મટાડવાનો દાવો કરતો હતો. અને આયુર્વેદિક દવાથી 100 ટકા નિદાનની ગેરંટી આફતો હતો અને બાદમાં નિશુલ્ક સારવારના બહાને 500થી 5 હજાર રૂપિયા લેવામાં આવતા હોવાની ચર્ચાઓ વહેતી થઈ હતી. અનેક લોકો સાથે છેતરપિંડી કરીને હવે વૈદ્યરાજ ફરાર થઈ જતાં લોકોમાં ભારે રોષ ફેલાયો છે.

વૈદ્યનો વીડિયો વાયરલ 

ઉલ્લેખનીય છે કે, સુરેન્દ્રનગર જિલ્લાના સાયલા તાલુકાના સેજકપુર ગંગાનગરના આ વૈદ્યરાજ વિભાભાઈ સભાડનો એક વીડિયો સોશિયલ મીડિયા પર ફરતો થયો છે જેમાં તેઓ કેન્સર, ટીબી અને ડાયાબીટીસ જેવા રોગ મટાડવાનો દાવો કરી રહ્યા છે. જો કે, તેઓ લોકો સાથે છેતરપિંડી કરીને ફરાર થઇ જતાં લોકોમાં રોષ ભભૂકી ઉઠ્યો હતો.