વડોદરાના વેપારીએ ચાલુ ગાડીએ કર્યો જોખમી સ્ટંટ VIDEO થયો વાયરલ

વડોદરાના એક વેપારીએ રાત્રી દરમિયાન પત્ની સાથે ચાલુ કારમાં જોખમી સ્ટંટ કર્યો હતો અને આ સ્ટંટનો વીડિયો પણ ઉતાર્યો હતો. જો કે આ વીડિયો હાલ વાયરલ થઈ ગયો છે. દ્રશ્યોમાં સ્પષ્ટ જોઈ શકાય છે કે કારની રૂફ વિન્ડો ખોલીને વેપારીની પત્ની ઉભી હતી. 

તે સમયે વેપારી પણ રૂફ વિન્ડોથી બહાર આવ્યો અને સ્ટીયરિંગ પર પગ મુકીને કાર ચલાવી. જો કે આ સ્ટંટ ભારે પણ પડી શકે છે. વડોદરાના ગોત્રી રોડ પરનો આ વીડિયો હોવાનું સામે આવ્યું છે. જો કે આ સ્ટંટ વેપારીની સાથે-સાથે અન્ય કોઈ રાહદારી અને વાહન ચાલકનો પણ જીવ જોખમમાં મુકી શકે છે. 



ઉલ્લેખનીય છે કે ઘણી બધી વખત બાળકોને કારના રૂફની બહાર ઉભા રાખીને સ્ટંટ કરતા અનેક લોકો મેગા સીટીમાં જોવા મળ્યા છે. પરંતુ સ્ટીયરિંગ પર એક પગ રાખીને કાર ડ્રાઇવ કરતા વેપારીના વાયરલ થયેલા VIDEO ને લઇને જોનારે ફિટકાર વરસાવી હતી.