ઉત્તરપ્રદેશના મુરાદાબાદમાં દિલધડક દ્રશ્યો સર્જાયા હતા.મુરાદાબાદમાં એક ટ્રેક્ટર ચાલકને રેસ લગાવવી મોંઘી પડી. દ્રશ્યોમાં આપ જોઈ શકો છો તેમ એક ટ્રેક્ટરમાં ઘણા લોકો બેઠા છે. તેવામાં બાજુમાંથી અન્ય એક ટ્રેક્ટર સ્પીડમાં ઓવરટેક કરે છે. મળતી માહિતી મુજબ બન્ને ટ્રેક્ટર ચાલકો રેસ લગાવી રહ્યા હતા.
જોકે આ રેસ લગાવી ટ્રેક્ટર ચાલકે અનેક લોકોના જીવ જોખમમાં મુકી દીધા. ટ્રેક્ટર ચાલકે ઓવરટેક તો કરી. પરંતુ બાદમાં ટ્રેક્ટર પરથી કાબૂ ગુમાવી દીધો. અને ત્યાર બાદ ટ્રેક્ટર સમગ્ર રોડ પર ફંગોળાયું અને બાદમાં ટ્રોલી પલટી ગઈ. આ દુર્ઘટનામાં 24થી વધુ લોકો ઘાયલ થયા છે.
મળતી માહિતી મુજબ આ ઘટના બિલારીના સ્યોડારા રોડ પરની છે. જ્યાં બિલારીના થાંબલેમાં પરંપરાગત નેજા મેળામાં ઉજવણી માટે ટ્રેક્ટર ભરીને લોકો ગયા હતા અને પોતાના ગામ પરત ફરતા સમયે આ દુર્ઘટના સર્જાઈ હતી. જોકે આ સમગ્ર ઘટના બાઈક પર જઈ રહેલા એક યુવાને પોતાના મોબાઈલમાં કંડાર્યો હતો. હાલ તો ઘાયલ લોકોને સારવાર અર્થે ખસેડાયા છે અને પોલીસે પણ ટ્રેક્ટર ચાલકોની પૂછપરછ હાથ ધરી છે.