'અ'સલામત સવારી: ચાલુ બસે 'માવો' બનાવતા ડ્રાઇવરનો VIDEO વાયરલ તંત્ર જાગશે?

ભાવનગર: એસ.ટી.બસ ડ્રાઈવરની બેદરકારીનો વધી એક વીડિયો સામે આવ્યો છે. વીડિયોમાં ડ્રાઈવર ચાલુ બસે મસાલો બનાવતો નજરે પડયો છે. આ બસ ગઢડાથી અમદાવાદ જતી હોવાની શક્યતા છે. આ અગાઉ બગોદરા નજીક એસ.ટી.બસનો અકસ્માત સર્જાયો હતો.વારંવાર સર્જાતા અકસ્માત છતાં તંત્ર ઘોર નિંદ્રામાં છે અને પ્રજાને તેનો ભોગ બનવું પડે છે.
 
ઉલ્લેખીય છે કે પાન મસાલા અને ફાકી ખાવાના બંધાણી લોકોને સમયાંતરે પાન મસાલો ખાધા વગર 'પાનો' ચઢતો નથી હોતો. જો કે ચાલુ વાહને અને ખાસ કરીને સરકારી વાહનમાં આ પ્રકારની ઘટના મુસાફરોના જીવને પરેશાનીમાં મુકે છે ત્યારે વધુ એક એસટી બસના ડ્રાઇવરનો ચાલુ બસે માવો બનાવતો વીડિયો માધ્યમોમાં ફરતો થયો હતો. 



પોતાની મસ્તીમાં માવો બનાવતા આ ડ્રાઇવરનો VIDEO વાયરલ થતા જ તંત્રની બેદરકારીને લઇને જોનારાઓએ સવાલ ઉઠાવ્યા હતા.જો કે આ પ્રકારની VIDEO પહેલા પણ જાહેર માધ્યમોમાં ફરતા થયા છે ત્યારે નિગમ દ્વારા કોઇ ચોક્કસ ગાઇડલાઇન ઘડાય અને આ પ્રકારની જોખમી હરકત કરતા બસ ચાલકો સામે કડક પગલા લેવાય તેવી લોકમાંગ ઉઠવા પામી હતી.