ક્રિકેટ / બાઉન્ડ્રી પર કેચ પડક્યા બાદ શ્રેયસ અય્યરે કર્યું અનોખુ સેલિબ્રેશન, ક્રિકેટ ગ્રાઉન્ડનો VIDEO થયો વાયરલ

• શ્રેયસ અય્યરે બીજી વનડેમાં 63 રનની શાનદાર ઈનિંગ રમી 
• ઐયરે સતત બીજી અડધી સદી ફટકારી 
• શાનદાર ઈનિંગ્સથી ટીકાકારોની બોલતી કરી બંધ

શ્રેયસ અય્યરે વેસ્ટ ઈન્ડિઝ સામેની બીજી વનડેમાં 63 રનની શાનદાર ઈનિંગ રમી હતી. છેલ્લી કેટલીક મેચોમાં ખરાબ ફોર્મનો સામનો કરી રહેલા ઐયરની આ સતત બીજી અડધી સદી છે. તેણે શાનદાર ઇનિંગ્સ રમીને તેના ટીકાકારોની બોલતી બંધ કરી દીધી છે.

પરંતુ ફિલ્ડિંગ દરમિયાન તેણે જણાવી દીધુ કે હકીકતે લોકોની બોલતી કઈ રીતે બંધ કરવી જોઈએ. તેના અનોખા સેલિબ્રેશનનો વધુ એક વીડિયો વાયરલ થઈ રહ્યો છે. અય્યરે શાર્દુલ ઠાકુરના બોલ પર રોવમેન પોવેલનો કેચ પકડ્યો અને તેને 13 રન પર પેવેલિયન મોકલી દીધો.

pic.twitter.com/7v7bsIPql9

— Guess Karo (@KuchNahiUkhada) July 25, 2022

અય્યરે કર્યો મોઢું બંધ રાખવાનો ઈશારો 
પોવેલ ઠાકુરના બોલ પર કવર પર શોટ ફટકાર્યો છે. જો કે અહીં અય્યરે કોઈ તક છોડી ન હતી અને ડીપ કવર પર શાનદાર કેચ પકડ્યો હતો. આ પછી તેણે અનોખુ સેલિબ્રેશન કર્યું હતું. તેણે મોં બંધ રાખવાનો ઈશારો કર્યો. 

વેસ્ટ ઈન્ડિઝ સામેની પ્રથમ વનડેમાં શમરાહ બ્રુક્સ ફાઈન લેગ બાઉન્ડ્રી પર કેચ પકડ્યા બાદ ઐયરે ડાન્સ કરીને ઉજવણી કરી હતી. કેચ લીધા બાદ અય્યર સ્ટેન્ડ તરફ ગયો અને ડાન્સ સ્ટેપ્સ કર્યા. ભારતીય બેટ્સમેને આ ઉજવણી પાછળનું કારણ પણ જણાવ્યું હતું.

કેચ છોડવા માટે કહી રહ્યા હતા દર્શક 
અય્યરે કહ્યું કે દર્શકો તેને ચીડવતા હતા અને તેને કેચ છોડવા માટે કહી રહ્યા હતા. એટલા માટે કેચ કર્યા પછી મેં તેની જેમ ડાન્સ કરવાનો પ્રયાસ કર્યો. શાર્દુલ ઠાકુરે બીજી વનડેમાં 3 વિકેટ ઝડપી હતી. જ્યારે દીપક હુડા, અક્ષર પટેલ અને યુજવેન્દ્ર ચહલને એક-એક સફળતા મળી હતી. બીજી વનડે મેચની વાત કરીએ તો પ્રથમ બેટિંગ કરતા વેસ્ટ ઈન્ડિઝે નિર્ધારિત ઓવરમાં 6 વિકેટે 311 રન બનાવ્યા હતા. 

જવાબમાં ભારતે 8 વિકેટના નુકસાને 2 બોલ પહેલા લક્ષ્યાંક હાંસલ કરી લીધો હતો. અય્યર ઉપરાંત સંજુ સેમસન અને અક્ષર પટેલે ભારત તરફથી અડધી સદી ફટકારી હતી. અક્ષર પટેલ જીતનો હીરો રહ્યો, જેણે શાનદાર બોલિંગ પણ કરી અને રન પણ બનાવ્યા. પટેલે ધોનીની સ્ટાઈલમાં સિક્સર ફટકારીને ભારતને જીત અપાવી હતી. અણનમ 64 રનમાં ભારતીય ઓલરાઉન્ડરે 3 ચોગ્ગા અને 5 છગ્ગા ફટકાર્યા હતા.