વિશેષ / રિક્ષાવાળાએ 50 રૂપિયામાં કમરનો દુઃખાવો દૂર કરી નાંખ્યો, વીડિયોએ સોશ્યલ મીડિયામાં ધૂમ મચાવી દીધી

• આ છે ભરૂચનો રોકસ્ટાર રીક્ષાવાળો
• સોશિયલ મીડિયામાં રહે છે છવાયેલો
• નરેશ સૌંદરવા બની ગયા છે રોકસ્ટાર!

તંત્ર સામે લોકો અલગ અલગ રીતે રોષ વ્યક્ત કરી રહ્યા છે.ભરૂચનો એક રીક્ષાવાળો પણ હાલ ખુબ જ વાયરલ થઈ રહ્યો છે. જેમાં તે અલગ અલગ વીડિયો દ્વારા લોકોનું મનોરંજન કરી રહ્યા છે અને તેમાં રોડના ખાડા પર વ્યંગ કરતો તેનો વીડિયો લોકોને ખુબ જ પસંદ પડી રહ્યો છે.

નરેશ સૌંદરવાનો video થયો વાયરલ 

ચોમાસાની ઋતુ આવે અને જેવો વરસાદ વરસે તેની સાથે જ સમગ્ર ગુજરાતના રોડ પર ખાડા પડી જાય છે અને આ ખાડા એવા હોય છે જેમાં વાહનો બ્રેકડાન્સ કરે છે. ત્યારે ભરૂચમાં રહેતા અને રીક્ષા ચલાવી પોતાનું ગુજરાન ચલાવતા નરેશ સૌંદરવાનો આ વીડિયો હાલ સોશિયલ મીડિયા પર ખુબ જ વાયરલ થઈ રહ્યો છે અને આને લોકો ખુબ જ પસંદ કરી રહ્યા છે.ભરૂચના ખાડાઓને દર્શાવતો આ વ્યંગ કરતો વીડિયો ધુમ મચાવી રહ્યો છે. તો ભરૂચની શાન કહેવાતા અને એક સમયની જાહોજલાલી અને હાલ એકદમ અતુલા પડી ગયેલા ગોલ્ડન બ્રિજનો વીડિયો પણ લોકો ખુબ પસંદ કરી રહ્યા છે.

લોકોમાં જાગૃતિ આવે તે માટે કામ કરતો હોવાની રીક્ષા ચાલકે કરી વાત

નરેશ સૌંદરવાએ વીટીવી ન્યૂઝ સાથેની વાતચીતમાં કહ્યું કે સોશિયલ મીડિયા પર વીડિયો બનાવવાનું કામ માત્ર હું લોકોના મનોરંજન અને લોકોમાં જાગૃતિ આવે તે માટે કરું છું.

એક સામાન્ય રીક્ષા ચાલક હાલ સોશિયલ મીડિયાના માધ્યમથી દરેકના ઘરે ઘરે પહોંચી ગયો છે. આજે તેની સાથે સેલ્ફી લેવા માટે લોકો પડાપડી કરે છે.તો હજુ પણ આગળ લોકો માટે આ પ્રકારના વીડિયો બનાવતા રહેવાની તેમની ઈચ્છા છે.