અમદાવાદ: પોલીસકર્મીએ જાહેરમાં રીક્ષા ચાલકને માર્યો માર વીડિયો થયો વાયરલ

અમદાવાદમાં વધુ એક પોલીસની દાદાગીરી સામે આવી છે. ઘટના છે શિવરંજની પાસે આવેલા બીઆરટીએસ સ્ટોપ પાસેની.  જ્યાં એક પોલીસકર્મી પોતાની વર્દીનો રોફ એક ગુનેગાર નહીં પણ એક રોજી રોટી રળતા લાચાર અને મજબૂર રીક્ષાચલાક પર જમાવ્યો.

નોંધનીય છે કે ટ્રાફિક નિયમનની અમલવારી જ કરાવવી હોય તો તેના અનેક રસ્તા છે પણ આ ખાખીધારીએ તો પોતાની વર્દીનો જ રોફ બતાવ્યો. રીક્ષા ચાલકને દંડવાના બદલે તેના પર દંડા વરસાવ્યા. જાહેર રોડ પર આ રીતે ખાખી વર્દી દ્વારા રીક્ષા ચાલકને માર મરાતા દ્રશ્યો કેમેરામાં કેદ થયા અને સોશિયલ મીડિયામાં આ વીડિયો વાયરલ થયો છે.