પાર્ટી / VIDEO: 'કાલા ચશ્મા' પર ધોની-હાર્દિકનો જબરદસ્ત ડાન્સ, રેપર બાદશાહ સાથે દુબઈમાં પાર્ટી

• એમ એસ ધોનીનો જોવા મળ્યો ડાન્સ અવતાર 
• દુબઈમાં એક પાર્ટીમાં ધોની નાચતા જોવા મળ્યા 
• સાથે ઘણા ક્રિકેટરો અને સિંગર બાદશાહ પણ ઉપસ્થિત

ભારતીય ટીમના પૂર્વ કેપ્ટન મહેન્દ્ર સિંહ ધોની આ દિવસોમાં ઈન્ડિયન પ્રીમિયર લીગ-2023ની તૈયારીમાં વ્યસ્ત છે. એમએસ ધોનીની આ છેલ્લી સિઝન હોઈ શકે છે, પરંતુ આ દરમિયાન ધોનીની મજા માણવાનું ચાલુ રહે છે. સોશિયલ મીડિયા પર એક વીડિયો વાયરલ થઈ રહ્યો છે, જેમાં મહેન્દ્ર સિંહ ધોની ટીમ ઈન્ડિયાના સ્ટાર ઓલરાઉન્ડર હાર્દિક પંડ્યા સાથે ડાન્સ કરતો જોવા મળી રહ્યો છે. 

જન્મદિવસની પાર્ટીના વિડીયો વાયરલ
મહેન્દ્ર સિંહ ધોની અને હાર્દિક પંડ્યાનો આ વીડિયો દુબઈનો જણાવવામાં આવી રહ્યો છે, જે જન્મદિવસની પાર્ટીનો છે. અહીં બોલિવૂડ રેપર બાદશાહ તેના ફેમસ ગીત 'કાલા ચશ્મા' પર રેપ કરતો જોવા મળી રહ્યો છે, જેની સાથે મહેન્દ્ર સિંહ ધોની, હાર્દિક પંડ્યા, કૃણાલ પંડ્યા અને ઈશાન કિશન સહિત ઘણા લોકો ડાન્સ કરી રહ્યા છે. 

Mahi & hardik seen dancing at a party with their close friends, last night in dubai 🕺🔥#MSDhoni pic.twitter.com/PB5pGPSZsJ

— Chakri Dhoni (@ChakriDhoni17) November 27, 2022

હાર્દિક હાલ દુબઈમાં વેકેશન માણી રહ્યો છે
તમને જણાવી દઈએ કે હાર્દિક પંડ્યા હાલમાં જ ન્યુઝીલેન્ડ સામેની ટી20 સીરીઝમાં કેપ્ટનશીપ કર્યા બાદ વાપસી કરી રહ્યો છે, જ્યાં તેની આગેવાનીમાં ટીમ ઈન્ડિયાએ સીરીઝ 1-0થી જીતી હતી. હાર્દિક હજુ સુધી ODI શ્રેણીનો ભાગ નથી અને દુબઈમાં રજાઓ માણી રહ્યો છે. 

Ms Dhoni with Hardik Pandya are enjoying birthday party in Dubai ft. Badshah 🎉🎈❤️#MSDhoni #HardikPandya #Badshah pic.twitter.com/ak8oB8j5Xr

— MS Dhoni 7781 #TataIPL #ChennaiSuperKings (@msdhoni_7781) November 27, 2022

લોકોએ પહેલીવાર આ રીતે એમ એસ ધોનીને જોયા
આ પાર્ટીના ઘણા વીડિયો સોશિયલ મીડિયા પર વાયરલ થયા છે, જેમાં એમએસ ધોની, ઈશાન કિશન, હાર્દિક પંડ્યા અને અન્ય ખેલાડીઓ ડાન્સ કરી રહ્યા છે. પૂર્વ કેપ્ટન એમએસ ધોનીની આ સ્ટાઈલ ચાહકોએ પહેલીવાર જોઈ છે. 

છેલ્લી મેચ હોય શકે 
આંતરરાષ્ટ્રીય ક્રિકેટને અલવિદા કહી ચૂકેલા એમએસ ધોની હવે IPL 2023માં ચાહકોને જોવા મળશે. ડિસેમ્બરમાં IPL 2023 માટે હરાજી છે, જ્યારે IPL માર્ચ-એપ્રિલમાં થઈ શકે છે. અનુમાન લગાવવામાં આવી રહ્યું છે કે એક ખેલાડી તરીકે મહેન્દ્ર સિંહ ધોનીની આ છેલ્લી IPL હોઈ શકે છે. ધોની પહેલા જ કહી ચૂક્યો છે કે તે છેલ્લી ટી20 મેચ ચેન્નાઈમાં જ રમશે.