જહાજો અને વાહનોથી ઘમ ધમતા પીપાવાવ પોર્ટ પર સિંહ અને સિંહણ ની જોડી વહેલી સવારે આવી ચડી હતી દરિયાઈ અને જેટી ની લેશ માત્ર અંતર હતું જેથી અહીં વાહન વ્યવહાર થોડી વાર માટે સ્થગિત બન્યો હતો અહીં સિંહણ રોડ ક્રોસ કરવાની પેરવી કરી રહી છે. ત્યારે અચાનક જેટીના રોડ પર એક મસમોટું કન્ટેનર આવી ચડતા અહીં સિંહણ રોડ પરથી પરત ફરી હતી ત્યારે પીપાવાવ પોર્ટની દરિયાઈ જેટી નજીક સાવ સિંહો આવી ચડતા સિંહોની સુરક્ષા સામે પ્રશ્નો મુકાયા છે.
પીપાવાવ પોર્ટ પર વિસ્તારમાં આવી ચડ્યા સિંહ
ઘટનાનો વીડિયો થયો વાયરલ
ખાસ કરી પોર્ટ અને આસપાસના વિસ્તારમાં અનેક સિંહોના ગૃપનો વસવાટ છે અને સિંહોએ રાજુલા જાફરાબાદ વિસ્તારમાં કાયમી પોતાનો અડિંગો જમાવી ચુક્યા છે ત્યારે રાજુલા જાફરાબાદના ધારાસભ્ય અમરીશ ડેર પણ સિંહો ની સુરક્ષાને લઈને અનેક રજૂઆતો કરી ચુક્યા છે.
ઠંડક હોવાથી સિંહનો કાયમી વસવાટ
ત્યારે અહીં પોર્ટ આસપાસના વિસ્તારમાં સિંહો ઠંડક હોવાના કારણે આવી ચડે છે અહીં પોર્ટ પાસેના દિવનો વિસ્તાર છે જેમાં સિંહો નોંકાયમી વસવાટ છે અને સિંહો અહીંથી છાશવારે રોડ રસ્તા પર આવી ચડે છે અને અનેક વખત અકસ્માતે મૃત્યુ પામે છે.
ત્યારે અહીં ગત રાતે સિંહોનું ગ્રુપ આ રોડ પર આવી ચડ્યું હતું જેથી વન વિભાગ પણ અહીં ઘટના સ્થળ પર પહોંચ્યું હતું છતાં સિંહો આ જોખમી માર્ગ પર આવી ચડવા ના કિસ્સા વધી રહ્યા છે અહીં પોર્ટનો સંપૂર્ણ વિસ્તાર CCTV સજ્જ છે અને સિંહોની મુમેન્ટ અહીં સતત CCTV માં આવતી રહે છે જેથી વન વિભાગ દ્વારા આ ફૂટેજ શોધી અને કાયમી સિંહો નો માર્ગ બંધ કરી સિંહો ની સુરક્ષા વધારવી જોઈએ પરંતુ સિંહોની સુરક્ષાને લઈ બણગાં ફૂંકતું વન વિભાગ સિંહોની સુરક્ષા ને લઈ બામણું પુરવાર થઇ રહ્યું છે.
છાશવારે આવી ચડે છે સિંહ
અહીં સરકાર દ્વારા રાજુલા જાફરાબાદના સિંહોની સુરક્ષા માટે શેત્રુંજી ડિવિઝન ખાસ ઉભું કરવામાં આવ્યું છે જિલ્લામાં ત્રણ ત્રણ ડિવિઝન છે છતાં સિંહો અહીં છાશવારે રોડ રસ્તા ઓ અને ખાસ કરી પીપાવાવ પોર્ટ પર આવી ચડે છે ત્યારે સિંહોને અહીંથી સુરક્ષિત રીતે પોર્ટ વિસ્તાર આસપાસ થિ દૂર ખસેડવા માંગ થઈ રહી છે સ્થાનિક ધારાસભ્ય અમરીશ ડેરના જણાવ્યા અનુસાર અહીં 100 જેટલા સિંહો જાફરાબાદ રાજુલામાં વસી રહ્યા છે જેથી અહીં સરકાર દ્વારા અભ્યારણ બાનવવા માં આવે તેવી માંગ કરી રહ્યા છે જે રાજકારણ પણ હોઈ શકે પરંતુ સિંહો છાશવારે રોડ રસ્તા પર આવી જવાની ઘટના સામાન્ય બની રહી છે ત્યારે દરિયાઈ જેટી પાસે સિંહો પહોંચી જતા અહીં વન વિભાગ પણ ઘટના સ્થળે પહોંચ્યું હતું.