રાજ્યમાં કોવિડ ગાઈડ લાઈન મુજબ સામાજિક અંતર અને માસ્ક પહેરવું ફરજિયાત છે. ત્યારે માસ્કને લઈને અનેકવાર પોલીસ અને સ્થાનિકો વચ્ચે ઘર્ષણ જોવા મળ્યું છે.
માસ્ક ન પહેરવા બાબતે બબાલ
આ રીતે નિયમોનું પાલન કરાવશો?
પોલીસ સામે ફરિયાદ
આવી જ નડિયાદમાં એક મારામારીની ઘટના સામે આવી છે. કપડાની દુકાનમાં માસ્ક બાબતે પોલીસ અને દુકાનદાર વચ્ચે બબાલ થઇ હતી. ASI અર્જુન તળપદાનો બબાલ કરતો વીડિયો સોશિયલ મીડિયામાં વાયરલ થયો છે.
વીડિયો સોશિયલ મીડિયામાં વાયરલ
દુકાનદારે પોલીસને માસ્ક અંગે સવાલ કરતા પોલીસે રોફ બતાવ્યો હતો અને દુકાનદાર પર હાથ ઉપાડ્યો હતો. ASIએ માસ્ક બાબતે હાથ ઉપાડ્યો હોવાનો દુકાનદારે આક્ષેપ કર્યો છે. તો બીજી ઘટના વડોદરામાં બની છે.
યુવકને માસ્ક ન પહેરવાને લઈને માર્યો માર
વડોદરાના નવાપુરાના પોલીસકર્મચારીએ બાઇકચાલક યુવકને માસ્ક ન પહેરવાને લઇને માર માર્યો છે. રિધમ પટેલ નામના યુવકે પોલીસકર્મી પર આરોપ લગાવ્યો છે. પોલીસ કર્મચારી કેમ માસ્ક વિના કેમ ફરે છે તેવું પુછતા પોલીસકર્મી ગુસ્સે થયા હતા અને તેને માર માર્યો હતો.
યુવકે પોલીસ સામે નોંધાવી ફરિયાદ
હાલ રિધમ સયાજી હોસ્પિટલમાં સારવાર હેઠળ છે. જો કે યુવક રિધમ પટેલે પોલીસ કર્મચારી સામે ફરિયાદ નોંધાવીને પોલીસ કર્મચારી સામે પગલા લેવાની માંગ કરી છે.