VIDEO / ગુજરાત ભાજપના નેતાની દાદાગીરી : પોલીસકર્મીને કહ્યું- ઉભા રહો નહીંતર 2 મિનિટમાં સસ્પેન્ડ થઇ જશો

• અમદાવાદમાં અસારવાના MLA પ્રદીપ પરમારની દાદાગીરી 
• વાહન ટોઇંગ કરવા મામલે ધારાસભ્ય થયા લાલઘુમ
• પોલીસકર્મીને હાથ ખેંચી 3 મિનિટમાં સસ્પેન્ડ કરવાની આપી ધમકી 

ઉલ્લેખનીય છે કે, અસારવાના ધારાસભ્ય પ્રદિપ પરમાર શાહીબાગ વિસ્તારમાંથી પસાર થઈ રહ્યા હતા ત્યારે ટ્રાફિક પોલીસ દ્વારા વાહન ટોઈંગ કરવામાં આવી રહ્યા હતા. આ દરમિયાન ધારાસભ્ય પોતાની કારમાંથી નીચે ઉતર્યા અને પોલીસકર્મી પર લાલઘૂમ થયાં હતા અને ફરજ બજાવી રહેલા પોલીસકર્મીને 2 મિનિટમાં સસ્પેન્ડ કરાવવાની ધમકી આપી હતી. 

ધારાસભ્યએ જમાવ્યો રોફ 

ધારાસભ્ય પોલીસ કર્મચારીનો હાથ ખેંચીને કહે છે કે, અહીં ઉભા રહો હાથ શું બધુ પકડીશ. જાણો રોફ જમાવતા હોય તે રીતે ધારાસભ્ય કોઇને ફોન કરીને કહે છે કે, અહીં મારી સામે એક વ્યક્તિ દવા લેવા ગયો અને તેનું વાહન ટોઇંગ કરી લીધું. દિસમાં 50 વખત અહીં જ ટોઇંગ કરવા કેમ આવે છે ? 

હું કહું એટલે ઉભા રહી જવાનું નહીંતર 2 મિનિટમાં સસ્પેન્ડ થઈ જશો

ત્યારબાદ ધારાસભ્યએ પોતાની સાથે આવેલ વ્યક્તિને પોલીસકર્મીનો ફોટો પાડવા જણાવ્યું હતું. બાદમાં ભાજપના ધારાસભ્યએ ધમકી આપતા કહ્યું કે હું કહું એટલે ઉભું રહેવાનું, નહીંતર સસ્પેન્ડ થઈ જશો 2 મિનિટમાં, ઓળખો છો મને?