OMG ! / પ્રાણીઓે પણ સમયના પાક્કા ! સવાર પડતા જ બાલ્કનીમાં બ્રેકફાસ્ટ કરવા આવી જાય છે જિરાફ, જુઓ VIDEO

• હોટલની બાલ્કનીમાં આવી ગયા જિરાફ
• ગેસ્ટ સાથે કરવા લાગ્યા બ્રેકફાસ્ટ
• સોશિયલ મીડિયામાં વીડિયો થયો વાયરલ 

સોશિયલ મીડિયામાં  અઢળક વીડિયો આપણે જોઇએ છીએ. તેમાંથી કોઇ ક્યૂટ તો કોઇ ઇમોશનલ હોય છે. જો કે હવે  તો પ્રાણીઓના વીડિયો પણ એટલા જ વાયરલ થાય છે. ક્યારેક ડોગી યોગાસન કરતુ હોય તો ક્યારેક બિલાડી ડાન્સ કરતી હોય. ત્યારે હવે વિચાર કરો કે તમે પિકનિક કરવા ગયા હોવ અને હોટલની બાલ્કનીમાં જિરાફ આવી ચઢે તો, જી હા, આવુ જ કંઇક એક મહિલા પ્રવાસી સાથે જોવા મળ્યું. જેનો વીડિયો સોશિયલ મીડિયામાં ધૂમ મચાવી રહ્યો છે.

જિરાફ સાથે શેર કર્યો બ્રેકફાસ્ટ

Buitengebieden નામના ટ્વિટર એકાઉન્ટ પર આ વીડિયો શેર કરતા લખવામાં આવ્યુ છે કે  જિરાફ સાથે બ્રેકફાસ્ટ શેર કર્યો.  જેમાં એક મહિલા હોટલની બાલ્કનીમાંથી જિરાફને ખવડાવતી જોવા મળે છે. આ વીડિયો નૈરોબીની જિરાફ મેનોર હોટલનો જણાવવામાં આવી રહ્યો છે. વીડિયોમાં એક મહિલા હોટલમાં તેના રૂમની બાલ્કનીમાં બેઠેલા ત્રણ જિરાફનું ખાવાનું લઈને સ્વાગત કરતી જોવા મળે છે.. મહિલા અને જિરાફ વચ્ચેની અદ્ભુત ક્ષણ લોકો ખૂબ જ પસંદ કરી રહ્યા છે. મહત્વનું છે કે આ રેસ્ટોરન્ટ આફ્રિકન દેશ કેન્યામાં આવેલી છે. 

Sharing breakfast with the giraffes.. 😊 pic.twitter.com/aYul0BBgUH

— Buitengebieden (@buitengebieden) May 1, 2022

કેન્યાની આ રેસ્ટોરન્ટમાં આવે છે જિરાફ 

કેન્યાની આ હોટેલ ઘણી મોંઘી છે. અહીં એક રાત વિતાવવા માટે પ્રતિ વ્યક્તિએ 620 યુએસ ડોલર એટલે કે લગભગ 46 હજાર રૂપિયા ચૂકવવા પડે છે.. અહીંની આંતરિક વ્યવસ્થા અદ્ભુત છે. જો કે આ હોટલમાં ઘણી લક્ઝરી સુવિધાઓ પણ છે, પરંતુ આ હોટલ સૌથી વધુ લોકપ્રિય જિરાફને કારણે છે. કારણ કે જીરાફ મેનોર હોટલ 12 એકર ખાનગી જમીન પર બનાવેલી  છે. અહીંની આસપાસ તમને જંગલ સફારીનો સંપૂર્ણ અનુભવ મળે છે. અહીં અવારનવાર જિરાફ આવતા હોવાથી પ્રવાસીઓની પણ ખુશી બેવડાય છે.