ભારતના દિગ્ગજ સ્ક્વોશ ખેલાડી સૌરવ ઘોસાલે બર્મિંગહામ કોમનવેલ્થ ગેમ્સમાં બ્રોન્ઝ મેડલ જીતીને ઈતિહાસ રચી દીધો છે. કોમનવેલ્થ ગેમ્સના ઈતિહાસમાં સ્ક્વોશની ઈવેન્ટમાં ભારતનો આ સૌપ્રથમ મેડલ છે. 35 વર્ષીય ઘોસાલ મેડલ જીત્યા બાદ ભાવુક થઈ ગયો હતો. તેની આંખોમાંથી આંસુ વહી ગયા હતાં. આ વાત પરથી સ્પષ્ટ થાય છે કે, તેણે આ મેડલ માટે કેટલી મહેનત કરી હતી અને આ મેડલ તેના માટે કેટલો ખાસ છે.
3-0થી ક્લીન સ્વીપ કર્યું
મેન્સ સિંગલ્સ કેટેગરીના બ્રોન્ઝ મેડલ મુકાબલામાં સૌરભ ઘોસાલે 11-6, 11-1 અને 11-4થી ઈંગ્લેન્ડના જેમ્સ વિલસ્ટ્રોપને હરાવ્યો. ભારતીય ખેલાડીએ સ્થાનિક ખેલાડીને 3-0થી ક્લીન સ્વીપ કરી હતી. કોમનવેલ્થ ગેમ્સમાં સૌરભનો આ ઓવરઓલ બીજો મેડલ છે, જે પશ્ચિમ બંગાળના કોલકાતાનો વતની છે. આ પહેલા તેણે દીપિકા પલ્લીકલ કાર્તિકની સાથે મળીને 2018 માં ગોલ્ડ કોસ્ટ કોમનવેલ્થ ગેમ્સમાં સિલ્વર મેડલ જીત્યો હતો.
An emotional Saurav Ghosal was in tears after defeating his arch nemesis James Willstrop!❤️
સૌરભ ઈમોશનલ થઇ ગયો
જીત બાદ સૌરભ ઘોસાલે સામેના ખેલાડી સાથે હાથ મિલાવ્યા હતા. સૌરભની આ સફળતા પર દર્શકોએ સીટ પરથી ઉભા થઇને તેમના માટે તાળીઓ પાડી હતી. આ પછી ભારતીય ખેલાડી તેની કિટ પાસે ગયો હતો અને તે લાગણીઓને કાબૂમાં રાખી શક્યો નહતો. સૌરભ બેસી ગયો અને આંખમાંથી આંસુ વહેવા લાગ્યા. ઘોષાલનો આ ઈમોશનલ વીડિયો સોશિયલ મીડિયા પર વાયરલ થઈ રહ્યો છે, જેમાં તે પોતાના આંસુ લૂછતાં જોવા મળી રહ્યો છે.
It is a delight to see @SauravGhosal scaling new heights of success. The Bronze medal he’s won in Birmingham is a very special one. Congratulations to him. May his achievements help boost the popularity of squash among India’s youth. pic.twitter.com/uhCEv15AMs
સૌરભે 2018ના ચેમ્પિયનને હરાવ્યો
વર્લ્ડ રેન્કિંગમાં 15મું સ્થાન ધરાવતા સૌરભને સેમીફાઈનલમાં વર્લ્ડ રેન્કિંગમાં બીજું સ્થાન ધરાવતા પોલ કોલે હરાવ્યો હતો. સૌરભને અર્જુન એવોર્ડથી સન્માનિત કરવામાં આવ્યા છે. સ્ક્વોશમાં તે ભારતનો સુપરસ્ટાર છે. સૌરભે 2018ના ચેમ્પિયનને હરાવીને બ્રોન્ઝ મેડલ જીત્યો છે. પીએમ નરેન્દ્ર મોદીએ પણ ઘોષાલને આ ઐતિહાસિક મેડલ પર અભિનંદન પાઠવ્યા છે અને તેને યુવાનો માટે પ્રેરણારૂપ ગણાવ્યો છે.